上次介紹完桃膠糖水，今次介紹吓超簡單bb食譜俾大家：芝士蔬菜雞蛋卷，筋肉寶寶喺超鍾意食，平時佢食食下會餵我哋食，佢今次完全無視我哋，自己一下就食咗半舊！好開心筋肉寶寶今次好賞面，依款簡單小食連老公都讚好食呢，大家趁復活節假都可以整嚟試吓！     芝士蔬菜雞蛋卷材料 雞蛋 一隻 BB芝士 一舊 菜心葉 少許 金菇 少許 水 少許   1. 金菇同菜心葉切碎，簡單滾一滾，拎起備用   2. 打蛋後加入少量水搞   3. 再放剛才的金菇同菜心葉一齊再搞   4. 將BB芝士切成細條狀   5. 中火落油起鑊，開始煎蛋，先倒一半蛋汁   6. 放上適量芝士條係面   7. 慢慢開始向一個方向捲，捲到得返一小部分   8. 再放餘下蛋汁，再落芝士係面   9. 重覆同一方向捲蛋   10. 捲好就食得啦！     泡製芝士蔬菜雞蛋卷小小貼士 1. 唔用菜心可以用其他同樣深綠色的菜代替 2. 煮俾大少少既小朋友可以考慮用其他菇菌代替 3. 一開始捲係好難，我要兩手輔助先捲到 4. 最尾捲好再係鑊微煎兩邊到少少金黃色係再靚D 5. 想有簡單調味，打蛋時可落少許鹽或芝麻油   想知道關於餵母乳的問題或公立醫院產檢及分娩，都歡迎係下面連結嚟我專頁PM我嫁！ 想睇筋肉寶寶與肥貓寶寶的日常家中玩樂點滴、親子好去處等等，就快D入嚟下面的連結啦！ 我哋的Instagram：http://bit.ly/2FMOvqP 我哋的專頁：Kylife與二寶之日常專頁     我哋專頁內爆like post分享 荃灣體育館初體驗 X 免費放電好去處 X 實拍筋肉寶寶 http://bit.ly/2NKaDW9 明愛慈善買 X 20蚊BB單車 X 筋肉寶寶新玩具 http://bit.ly/2FbEGnc 裝修完畢大公開 X 與你分享 X 二寶之家 http://bit.ly/2OZ8K8D #荷花2019春季BB展VIP媽媽 專欄分享#親子01 #Cook1cook #Ohpama! #Sundaykiss #Presslogic #媽媽經 #Mercury