我諗作為阿媽的你妳你, 淘寶呢個平台你一定唔會陌生, 實不相瞞悠媽最鐘意就係淘, 無論集運幾多次都好, 都總係有野响集運倉未安排送落嚟的, 咁啱今次淘D野非常滿意, 好野當然要開心share, 今日就想同大家分享一下以下幾款性價比高之物 (5星為滿意度最高) 1）悠姐：日系棉麻文艺森系女童凉鞋 https://item.taobao.com/item.htm… 悠媽點評：悠姐夏天至愛著涼鞋仔, 易襯衫之餘又通爽, 呢款涼鞋仔質素極好, 發貨仲要有埋個鞋盒裝住, 有埋個TAG寫住要賣3XXX日元, 前面蝴蝶結有得較鬆緊, 就算小朋友腳仔比較薄都完全無問題, 粉紅色控悠當然極愛粉紅色, 另外仲要買埋對藍色比佢的好姊妹 - 鯨魚姐姐 鯨魚家姐‧蝦子細佬 悠姐：公主病系列  每個女孩都有一種病 - 以為自己係公主的公主病, 為咗治療佢呢個病, 悠媽選擇以毒玫毒, 既然童年係佢的, 就由佢發下公主呢個春秋大夢啦 2)Elsa公主裙 https://item.taobao.com/item.htm… 悠媽點評：呢款公主裙收貨後出奇地滿意, 個質地唔錯, 著起都唔會刮身摸上身都幾滑, 其實買得公主裙都預咗唔好著, 但呢條暫時來說質素算性價比高, 但要注意佢足碼的, 悠姐應該著100, 但我買大咗110, 暫時佢就著唔到生日會返學, 因為會露點, 皇后們拍前請留意。 有公主裙又點少得公主鞋, 悠姐一日到黑冤住我要買對高跟鞋比佢, 既然又要姣姣的著高跟鞋, 索性買對公主高跟鞋吧 3)Elsa公主鞋 https://item.taobao.com/item.htm… 悠媽點評；朋友說同款鞋响老鼠樂園要成差不多$300對，仲要無閃燈，呢對鞋我開箱時真係好驚喜，有哂老鼠樂園價錢牌同尺碼貼紙，差在佢唔係放咗响樂園Store架上喳! 公主病病人收到簡直開心到顛咗，著住响屋企行來行去繼續自以為公主，有朋友問對鞋好唔好著，認真呢D鞋預咗唔會好著，但只要你屋企個公主病情嚴重，佢地根本唔會理好唔好著，只要靚就是皇道，買比佢地開心下其實呢個價錢真係好抵 樂少：繡名口水肩 未生樂少時已經想買條綉名口水肩，但見面書賣tailor-made的講緊都要2-300蚊條，一條只係用來接住D口水用途的布我又唔係好捨得，然後又比我响偉大的淘寶搵到呢個咁動人的綉名服務…. 4)Tailor-made繡名口水肩 https://item.taobao.com/item.htm… 响佢間shop選擇你想要的口水肩，再拍埋下面條繡名LINK (口水肩價錢另加$8-$10人仔)???????????????? https://item.taobao.com/item.htm… 拍完後再同賣家聯絡你想繡的名字同字型，賣家好快手，1-2日就可以繡好出貨，成條口水肩連繡名都係$30人仔你話仲想點?! 悠媽點評：口水肩質地唔錯，最值得注意係佢的繡名服務，我相信係用機繡的，但真係繡得幾好，佢仲可以揀唔同顏色的線，非常貼心，亦因為呢個產品，實在令我好想樂少係女仔，女仔旳口水肩款式好靚呀!!!!!!!!!!!!!!!!! 悠媽:  5) 型媽必備水鞋 https://item.taobao.com/item.htm… 最後要介紹的就是一對百發百襯的型格水鞋，須知道香港夏天的雨季真係唔惹少，好似上星期六咁突然風雲息變你都咪話唔驚，無返對頂得下的水鞋隨時成腳連祙濕哂都幾麻煩，悠媽一直致力搵一對唔似水鞋的水鞋，終於比我响偉大的淘寶搵到了。 悠媽點評：上星期一整個星期都著住呢對短水鞋，襯短裙又得牛仔褲又得，踩水tum等完全無問題，淘寶谷友話呢個brand其實一田都有得賣，證明性價比高，最重要係著住佢唔似賣魚呢下真係無得頂，而且佢唔焗腳，款式又唔娘，連悠媽同事都以為佢係日本牌子，百幾蚊有咁質素真係無話好說了，注意佢係足碼的，平時大家著緊咩碼買返咩碼就對了。 預告: 嚟緊悠媽每月都會响度分享下淘咗咩好野，大家密切留意啦～