22/4係我同老公相識12週年紀念日~ 成個easter回復返做女ge生活, 訓食訓 (因為病咗......) 多謝老公細心照顧米豬同我, 到復活節最後一晚, 我終於復活, 冇浪費到老公一番心意~ 仲特登搵埋奶奶幫我地睇住米豬，帶我出去拍吓拖～   老公揀咗呢間响佐敦嘅隱世秘密花園Chelsea Garden & Restaurant同我撐枱腳~ 仲要望住我地結婚會場㗎～好有心思呀   一入到餐廳就覺得好舒服, 好cozy, 唔係0個D超高格調ge西餐, 有溫馨ge感覺~ 裝修都好貼合佢地舖頭"Garden"呢個意念, 好多盆栽~ 成個秘密花園咁   呢度係食西班牙菜, 參考吓隔離枱同openrice, 又經過waitress推介之後, 我地就叫咗以下野食喇~   Seafood platter - 有法國生蠔，青口翡翠螺同埋磯煮鮑魚 生蠔係比較creamy嗰類，我就好鐘意喇～ 仲好新鮮添 而青口同翡翠螺就好爽口鮮甜，翡翠螺仲已經拎走左啲腸，唔使自己met，唔會食到lea咁hea，真係好細心   藍青口檸檬芫茜諾曼第汁 呢個係超級勁爆好食~!! 我可以講係我咁大個女食過最好味ge青口~!! 連汁都想撈埋!!! 如果有一條法包我一定會一滴汁都唔放過~!! 鹹香，忌廉仲有檸檬三種滋味不停响口入面回蕩 (吖.......... 好想再食呀而家..................)   香辣烤八爪魚   非常之彈牙，薯仔吸收左八爪魚嘅鮮味勁好味   鮮刨黑松露牛肝菌雲吞 一上枱已經聞到好香嘅黑松露味，幼滑嘅餡料再配埋香香嘅黑松露汁真係食唔停口   西班牙海鮮飯   先炒再焗，有好多海鮮配料，估唔到啲蝦焗完之後依然非常之鮮嫩，而飯底就加咗辣肉腸一齊炒，食食吓有少少辣味令成個飯都好有層次   甜品時間~   夏日野莓焦糖燉蛋 脆脆焦糖面加滑滑燉蛋，甜到入心～ 配埋野莓可以平衡返口腔味道～ 烤棉花糖心太軟 香濃嘅朱古力心太軟配埋烤到脆卜卜嘅棉花糖，口感非常特別～   餐廳外仲有個秘密小花園，响鬧市中有一個可以遠離塵囂嘅地方，真係好寫意～   多謝老公今日帶我嚟呢度呀   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/