今日同唯b去古琴雅苑食北京菜，大人食片皮鴨，小朋友竟然有免費兒童餐食！仲要係午市同晚市都有。 小朋友只要係四歲或以下，喺餐廳參與填色遊戲，用蠟筆油油油，就可以即時享用免費兒童餐一份（原價$68）喇！ 兒童餐包括醬爆肉絲伴荷葉包、上湯浸小棠菜、杞子桂花糕同埋冬瓜薏米水。初時我都驚北京菜濃味，但總廚特登將口味調較到啱小朋友，唔會太濃同油膩。 大人嘅套餐都好吸引！我哋今日點咗6人套餐A餐 有雞絲粉皮 松花皮蛋拌豆腐 拍開洋黃瓜 烤北京填鴨（全） 宋嫂鮮魚羹 醬爆肉絲 蒜子乾貝時蔬 古琴鴨肉炒飯（或雪菜肉絲炒年糕，二選一） 同埋包六位嘅茶。 我哋仲試埋甜品（另外單點）添，有腰果露、紫米露同埋羅漢凍。 大家有興趣就快啲訂位，同小朋友一齊去食喇！   古琴雅苑分店： 地址：尖沙咀北京道12A號太子集團中心15樓 地址：灣仔皇后大道東202號QRE Plaza 19樓     Please like our Facebook Page: https://www.facebook.com/weplaynlearn/ Follow us on Instagram: http://www.instagram.com/kly.chu