為左陳皮第一次大阪行其實特別係出發前買左三樣野, 好在有呢3樣野, 行程輕鬆唔少!! 第一寶: FX Creations媽媽爸爸袋 之前一直用開淘寶買返黎既媽媽袋, 間格其實幾好用, 不過陳皮加固後要帶出街既野多左, 加上旅行要帶足3餐出街, 所以一心要搵個大容易D媽媽袋. 加埋陳皮爸講明去日本唔要用淘寶貨同埋要個Unisex d既款wor!係日本唔要用女人袋wor!!!好煩! 奈何香港其實無咩選擇, 睇黎睇去得FX Creations個媽媽袋較好, 雖然貴左D, 但時間關係都係買左佢, 因為個款男女都用得. 試既時候個Sales話有減壓系統, 揹重野無咁重會舒服D, 本來諗住係Gimmick野點會咁神奇. 點知一出發一揹上身陳皮爸就話貴野係唔同D!!hahaha 依家search返原來佢個Function叫”AGS獨家專利回彈減壓系統”, 真係幾神奇, 放左重野都揹得幾舒服. 真係一分價錢一分貨, 之前淘寶個袋揹一陣膊頭已經好攰, 用一日仲腰痠背痛, FX 呢個用一日都無特別攰. 有幾舒服? 明明可以放個袋係BB車陳皮爸都唔放, 話羅野方便D, 揹住又唔重wor….仲要揹住個袋舉起肥仔! 我當然無佢咁傻, 揹得幾舒服都好, 有車緊係放車啦!!!haha 另一個我想買呢個袋既原因係佢背面有條帶可以插落行李拉喼, 咁推行李又可以放埋上去. 我無時無刻都係諗要放低個袋haha..因為淘寶個款真係用到我腰痠背痛. 間格方面都OK, 不過用慣淘寶個款要多時間適應, 但整體容量都夠大, 可以放晒以下既野: 奶樽, 暖水壺, 水杯, 蚊燒壺X2 (Lunch+ Dinner), 奶粉, 大量口水肩, 尿片, 換片墊, 替換衣服, 外套, 環保袋, 大包濕紙巾, 帽, 太陽眼鏡(我同陳皮爸既haha), 零食, 3本passport, 銀包, body cream, 摺碗, 匙, 雨傘 放得野?真係放得晒haha….背面個隱藏式底格仲可以放銀包 因為BB車摺既時候下格唔可以放野, 所以我地賁係放晒所有野入去, 費事要摺車既時間麻煩 原來有時都會做折扣架, 大家留意返Facebook, 反正媽媽袋日日用真係要買個揹得舒服既 https://www.facebook.com/hk.fxcreations/ http://fxcreations.com/Backpacks?product_id=336&mfp=3f-%5B14%5D #fxcreations #FX媽媽袋 第二寶: Joie摺疊式BB車 之前一直用開Combi, 其實都好好用, 奈何想買部可以上機既, 唯有買多部. BB車較媽媽袋好, 多D選擇, 以下係考慮過既款式: 1. GB Pockit 最多人用, 其他一代二代都試過, 一代一定唔諗因為唔可以平放, 二代推起上後好兒戲咁,同埋最唔好既地方係收車要兩隻手, 又推行李又抱B, 無可能下下兩隻手收車 2. EasyWalker 其實行BB展既時候有心動過, 因為有英國旗Pattern好型, 但因為Function上同Joie差不多但較貴, 所以無揀. 3. Joie Joie好處係可以可調式腳靠, 因為Combi無我好想要, 訓覺唔駛吊住隻腳. 但Joie其實有lite Version, 陳皮爸想要Lite因為細部D又輕D. 我想要正常版因為闊D陳皮會舒適D, 我地一直爭持不下睇左幾次都未買. 直到一個Sales講左呢句: “Lite同正常版既分別係一個父母舒服D, 一個BB舒服D, 睇下你想要咩” 就係呢一句, 我就唔理陳皮爸直接買左正常版呀!!!haha Joie仲有一個好既地方就係座椅較高, 基本上去餐廳可以當BB椅用, 呢點係我買既時候無諗過. 係日本有D餐廳無BB椅就用佢做椅, 真心方便. 但Joie同所有摺疊式BB車一樣, 摺車後置物籃既唔可以放野, 同Combi唔一樣, 但佢個置物籃就比Combi大幾好用, 成個背包放入去都可以. 但正常版Joie其實摺完都唔細, 所以去日本個程機因機種關係, 個行李架太細放唔到, 最終都要地勸上黎寄返倉, 返黎香港個程就無問題放到上去. 我用緊呢款: Joie 便攜式BB車 我係趁Jusco做折買既 第三寶: 摺疊式水煲 旅行必備, 雖然容量細D, 但因為佢可以恆溫, 所以比酒店既水煲好. 購至日本城: $2XX Follow me: Instagram: https://www.instagram.com/kaden.hk/ Facebook :https://www.facebook.com/kaden.hk 2019大阪櫻花之旅 出門旅行必備三寶 大阪親子酒店推薦 BB溫泉初體驗-大阪空庭溫泉 ［大阪親子遊-万博記念公園］ 育兒篇 在職媽媽加固之路BLW vs 粥仔 濕疹媽媽最愛保濕用品分享 陪月篇: 究竟應唔應該請?請又要考慮咩? 生仔篇: 公立定私家? 豬隊友最易激嬲媽咪既說話! 玩樂購物篇 唔駛排隊唔駛聽講座都有禮物送既媽媽會 團購寫真信唔信得過? [G-market Playmat 購物篇] [荔枝角大樹先生 - 初體驗]
