復活節爸爸放假，朝早食完早餐就落街玩一陣；轉眼就風雲變色，個天黑哂⋯⋯只好留係屋企玩～～襯裕喬喬訓左，媽媽就快手整個甜品，享受一下自己既私人時間～～為左令裕喬喬都食得，特登搵個唔駛生雞蛋既芒果布甸食譜，再自行減糖，希望同佢一齊分享～～ 材料： 彩虹芒果 3個 有機原蔗糖 70克 海藻糖 30克 牛奶 200ml 魚膠粉 40克 熱水 350ml 凍水 350ml    做法： 1. 芒果以刀切半扭開，再用匙挖出果肉；預留約一個芒果肉切粒備用（白碗）；其餘果肉用攪拌棒攪成果蓉       2. 將蔗糖、海藻糖同魚膠粉混合好，加入熱水攪拌好 3. 將糖及魚膠粉溶液慢慢倒入果蓉，並一邊倒一邊攪拌，跟住再加入鮮奶同凍水攪拌，最後過隔篩      4. 芒果粒平均放入盒內，再倒入布甸漿，最後放入雪櫃雪最少6小時    本身諗住雪一晚，第二日先食，但真係忍唔住，宵夜時間就要開動喇～～～   P.S.:  1. 本身個芒果好夠甜，所以減左糖都覺得可以；如果冇海藻糖，可全用原蔗糖或白砂糖代替    我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/ http://www.instagram.com/zita_jaco