係公公的熏陶之下， 大舊對馬特別有興趣， 一直想帶大舊睇下真既馬， 但原來香港唔係好多地方有馬睇，咁岩見到馬會同心同步同樂日，有得玩又有馬睇， 就即刻決定要買飛了 買飛係指定日子上網公開發售的，Miku睇返之前幾年都話好快賣晒， 所以開賣當日Miku差唔多夠鐘就已經預備搶飛， 當然係成功買飛啦 到下午其他朋友想飛時， 仲仍然有飛， 估計其實都唔係一開賣就會搶到無晒的 一入場會有本書仔(地圖&時間表)，書仔入面有入場手帶同5張遊戲券(一個遊戲要用2-3張遊戲券), 遊戲券可以再購買 當日的天氣唔太好， 戶外嘅充氣遊玩設施好多都好濕，所以我哋都無玩到     場地主要分咗馬場同埋彭福公園兩邊, 因為擔心天氣隨時變壞, 同埋我哋主要目的都係想睇馬，所以我哋一去到就主力去咗彭福公園睇馬嘅表演先, 我哋睇咗馬術場地障礙賽示範同埋馬術盛裝舞步示範   ^馬術場地障礙賽示範 睇完馬術場地障礙賽示範之後，仲有少少時間，我哋就去咗排隊玩左其他遊戲&同小馬影相   大隻既馬企係身邊大舊都冇事, 但係咁細隻嘅馬隔離就係喊，原來細既馬食緊草, 大舊驚會咬佢所以係咁喊 ^馬術盛裝舞步示範   啱啱睇晒上午馬嘅表演之後係遊樂場玩左一陣   ^大少少既小朋友可以玩充氣彈彈馬 玩左一陣就開始落大雨, 我哋就轉戰室內啦, 衝到入室內就發現大舊瞓着咗，咁我哋唯有食午餐先點知食完午餐之後就已經紅雨啦，戶外嘅活動全部都取消晒，全部人都轉戰室內, 室內大部份嘅遊戲大舊都未識得玩， 同有好多都未夠年齡玩， 而且每個遊戲都要排好耐隊, 所以我哋就離開啦 場內有好多好吸引既遊戲玩，我地都有影到少少比大家睇下，如果下年大舊仲鍾意馬既話，我地都會再去玩呀       歡迎follow我facebook專頁：Miku媽媽&大舊