【澄兄首次睇劇場 - 最後竟然去度冇睇到...】 #文末要請教大家 湜澄爸媽未生李澄前好鍾意睇劇場表演，最近睇到媽媽blogger 介紹 一路青空 The Radiant Theatre ，心諗：終於可以同澄兄去啦！ 所以，我地冇乜考慮就買咗飛。 去到沙田大會堂，門口嘅backdrop 好靚好可愛，接待姐姐仲著睡衣襯返主題「pillow talk」。 澄兄一見到展覽廳個門口就開始逃避，重掉轉頭想行樓梯走，最後仲喊 T_T。 爸媽氹咗一陣，解釋返我地係去同其他小朋友一齊聽故事，爸媽會陪著佢。澄兄先接受到，俾我地抱入去。 坐咗唔夠5分鐘，故事姐姐就邊講介紹邊出場，澄兄又大喊，仲要係一喊就大大聲，湜澄媽唯有抱佢出門。我地喺接待處旁坐咗好耐，傾咗好耐計，我都嘗試用大象恐龍等角色引佢返入去，終於佢點頭話「可以」返入去。 不過，一坐低又大喊，唯有又出返去。之後，澄兄就一直喺門口嘅櫈坐定定，爸爸都出黎陪我地。 有個劇場嘅負責人(我冇問到叫咩名???? 不過見劇團網頁有佢) 黎嘗試氹澄兄。佢先讚澄兄嘅衫褲鞋，讚到澄兄飄飄然。之後又攞大象卡板俾佢玩，氹到佢好開心。只可惜，一講話入返劇院睇大象，李澄就堅決「唔好」。但，我都好多謝呢個姨姨嘅用心。佢都有嘗試話入去坐後面遠d睇，只不過，澄兄係行近門口都唔想。 最後，澄兄同爸媽喺門口玩咗一陣就走????   ----------------------------- !!!! 請教!!!! 大家有冇遇過類似情況？你會點做呀？ ------------------------------ 1：就係坐呢度 ????2：原來卡板可以咁玩   ????3：冇野做唯有影下相   直覺唔係怕黑，迪士尼個魔法書房都冇事 定係魔法書房之後先開始怕咗？ 我唔知點可以問到李澄答     = = = = = = = = = = = = = = = = = = = = = = = = = = = = = = = =  ✽ 歡迎追蹤我更多育兒生活分享  - 澄兄湜弟 Facebook專頁:  澄兄湜弟 Instagram: @desiree_dumbo   歡迎聯絡我地 / 合作邀稿: desireeyi@gmail.com