早前四月中老公生日，我一早已經下定決心今年要自己整俾佢最後選擇左呢款     蛋黃糊材料： 蛋黃液 60g 檸檬汁 5g 牛奶 20g 植物油 30g 砂糖 7g（因為軒軒都有份食，所以我已經減左糖份量） 低筋麵粉 70g 香蕉 一條     蛋白糊材料： 蛋白液 120g 塔塔粉 一平匙（可以先直接放埋入蛋白液裏面） 砂糖 20g（已減糖份量，但因為要發起蛋白，所以都不能減太多） 可可粉 5g（加左朱古力味個部份就係for大人食）     預熱焗爐     先整蛋黃糊 1） 將香蕉壓爛，加入檸檬汁 2）蛋黃液加牛奶，植物油，砂糖 拌勻 3）篩入 低筋麵粉 4）加入香蕉蓉 5）全盆隔篩一次（會有香蕉蓉係篩度，可直接丢掉）     蛋白糊： 1）蛋白液與塔塔粉用電動打蛋器 先打勻 2） 將砂糖分兩次加入 3） 反轉個盆，蛋白糊無倒下就成功     --- 將三分一蛋白糊加入蛋黃糊中輕手拌勻 ---然後再把其餘蛋白糊全加入輕手拌勻 --- 將一半糊分開放入另一個碗，加入可可粉拌勻（可可粉先用熱水整溶） （視乎個人喜愛，如果唔想食朱古力味就可以唔使分開，咁就全個係香蕉戚風） ---倒入戚風模，輕輕係枱面 敲兩敲 ---入焗爐，上下火160度焗15分鐘 然後上下火140度焗15分鐘 再上下火130度焗10分鐘 ＊（今次我焗得過火左啲，所以大家要留意住再控制， 畢竟大家嘅焗爐都唔同）＊     出爐後攤涼用刀沿著條邊介一介再脱模，再按個人喜好裝飾就大功告成     老公評語： 不太甜，幾好味           產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily