除左2018年去左既講座之外 (可參考: 【懷孕交流 - 產前講座(2018)分享】)，我係2019年1-2月都有繼續去左幾個產前講座，就等今篇分享一下 :D   ****************************** 1.) MiDes Caring – 母乳餵哺攻略分享會 主辦機構: Mides 參考網址: https://www.mides.com.hk/caring-talk/ 日期: 2019年1月4日 @3:00pm-5:00pm 地點: MiDes陳列室-九龍荔枝角道 內容: 哺乳妙法知多D, 產後上奶輕鬆D 之前上過Mides既BB穿衣大法講座，今次就試下報埋母乳餵哺攻略，好幸運又抽中我! 聽完依個講座真心覺得好有用, 講師講解風趣, 互動性強，而且內容好豐富，如果想餵人奶既新手媽媽, 我好建議你地報依個講座聽。 禮物: 一件半身和尚袍、一對手套仔同兩條紗巾。   -------------------- 2.) 母乳餵哺及疫苗小百科 主辦機構: Kinetics 參考網址: http://www.kinetics.hk/healthtalk.html 日期: 2019年1月9曰 @7:30pm-9:30pm 地點: 香港中央圖書館演講廳（銅鑼灣高士威道66號） 內容: 母乳餵哺、初生嬰兒護理及BB疫苗資訊 **推薦媽媽們去聽依個講座!! 講座分2parts, 上半部講解BB疫苗資訊, 講師好詳細同耐心咁解釋每一種BB疫苗，聽完之後我同蘋果爸都覺得長知識。 下半部既講師就用好有趣生動既語氣去講解照顧初生嬰兒既要點同媽媽既產後護理, 成場既爸爸媽媽都笑得好開心! 第一次覺得講座係無悶場既!XD 禮物: 除左一D品牌既Sample之外，仲有2罐奶粉既試用裝(用卷去診所換) 同 Kinetics既優惠卷   -------------------- 3.) 雪印產前講座 主辦機構: 雪印 參考網址: https://www.snowbrand.com.hk/seminar.php 日期: 2019年1月6日 @10:30am-12:30pm 地點: 旺角帝京酒店 內容: 懷孕期營養小知識、產前運動、坐月飲食建議 又係一個內容好豐富既講座, 頭一part既懷孕期營養小知識因為已經聽過太多類似, 所以對我黎講就無咩用。不過產前運動同坐月飲食建議既內容都頗吸引~ 坐月飲食個part, 陪月姨姨仲分享左好多唔同既食譜, 睇完佢D食譜覺得坐月其實都幾開心咁啊!! 禮物: 雪印改左依個媽媽袋做背包, 好靚! 同埋有罐奶粉送，都係用Coupon去診所換。   -------------------- 4.) 美贊臣產前講座 主辦機構: 美贊臣 參考網址: https://www.meadjohnson.com.hk/articles/pclass 日期: 2019年1月27日 @11:00am-1:00pm 地點: 旺角康得思酒店 內容: BB營養知多少 因為之前出席得太多講座，所以其實內容有好多都已經聽過, 不過今次講師醫生有講埋順產同開刀生既好處壞處，仲有BB一出生會做既篩檢，當溫故知新都唔錯! 講座前場外會提供幾個Booth比我地玩, 玩完就可以拎到D小禮物。講座中場仲有個紅豆布甸試食~ 禮物: 我就係為左個U型枕而去聽依個講座既!哈~   -------------------- 5.) Wondermami孕賞日.產前講座 主辦機構: WonderMami 參考網址: https://www.facebook.com/WonderMamiHK/ 日期: 2019年1月19日 @11:30am-12:30pm 地點: 拉斐特 - 油麻地窩打老道 內容: 分娩過程注意事項及心得 依個講座係Facebook見到既，除左講座以外, 場外仲有幾間唔同既公司擺Booth (有機零食, 海味, 嬰兒用品...etc), 好似一個市集咁~ 講座內容由寶血醫院既姑娘講解分娩過程，仲有埋個人體模型來模擬生產過程, 都幾搞笑! 禮物: 因為當日我比較早去，所以就可以印埋迪士尼即影即有相片 同埋 有個插畫家即場畫既家庭木版畫1幅    -------------------- 6.) 未來產前產後湊B實習班 主辦機構: 惠氏媽媽會 參考網址: https://community.wyethnutrition.hk/News/PrenatalLecture 日期: 2019年2月16日 @9:30am-11:00am 地點: 尖沙咀海景嘉福洲際酒店 內容: 準媽媽營養大解構、一人一B湊B實習 除左講解媽媽係懷孕期間所需要既營養之外, 依個講座仲會提供每人一個假BB來實習一下幫BB換片同著衫~ 仲有一part話比你知初生B大概所需要咩物資 禮物: 禮物方面都係一D品牌既試用裝, 另外有Materna維他命同DHA都幾吸引啊!   -------------------- 除左以上既講座之外, 我仲有參加左一次Ubaby既家長課程(自費) (特別for蘋果爸爸而報名既) 同埋 屯門醫院既"分娩過程及產科病房簡介"講座...... 另外其實仲有一d公司機構都有舉辦產前講座，例如: 雅培媽媽學堂 (https://club.abbottmama.com.hk/events.php) Ubaby (http://www.ubabygroup.com/?section=NewsEvents)   不過蘋果既預產期係2019年3月中, 當時我已經唔想再成日周圍去, 去左十幾個產前講座都覺得好足夠LU~哈!     ****************************** Facebook Page: KCC Lovelife x 我們的生活日常 -香港x馬來西亞 Instagram: kcclovelife MamiBuy香港媽咪幫: KCC-蘋果媽 esdlife: https://wow.esdlife.com/kcclovelife 聯絡電郵: kcclovelife@gmail.com