今次小跳豆媽同大家介紹下西灣河嘅免費親子好去處！ 1. 早上：愛秩序灣公園、太安樓 由西灣河地鐵站A出口一出，過條馬路就到愛秩序灣公園。如果推bb車就出B出口。愛秩序灣公園面積大， 以漁港風情為主題，公園設有漁船、兒童遊樂場、人工瀑布、緩跑徑等， 環境清幽，很適合親子遊玩同散步。 係公園玩完， 可以去充滿街頭小食的太安樓食d野再繼續行程。   2.下午：港島東體育館 港島東體育館設有室內兒童遊戲室， 遊戲室設有滑梯、木馬等設施， 地方唔算大，但勝在由地鐵站或者愛秩序灣公園行過去都就腳。 喺遊戲室玩完可以行過去隔離嘅電影資料館參觀。   3.下午：香港電影資料館 香港電影資料館地下展覽廳免費入場， 展示咗香港電影嘅歷史， 亦都會播放黑白影片比市民欣賞。 不過如果想係資料館睇完整的電影， 就要畀錢入電影院睇。 小朋友可以認識一下香港的電影歷史。 路線重溫： 愛秩序灣公園-->太安樓-->港島東體育館-->香港電影資料館 謝謝閱畢！ 歡迎聯絡: jumpybeanmum@gmail.com Facebook page: 小跳豆媽育兒記 Blogs 腳印：靚太club,My BB.com, Mamibuy