本來天文台話落雨，所以假日都無特別安排節目，點知一滴雨都無！唔緊要啦，講好咗同包包喺屋企煮飯仔，就同佢一齊包吓咖喱角！   今次用咗全蔬菜同bb咖喱做餡料，1歲以上已經可以食用！教包包去放入餡料之後包三角形，咁又玩咗一個上午！   午餐簡單整個0難度嘅親子丼同包包一齊食，手殘都做到呀！30分鐘搞掂又係有汁飯，包包最愛！   簡易親子丼 材料: 洋蔥50g 雞腿1隻 日式醬油1大匙 清酒1大匙 蛋2顆   調料： 日式醬油50ml 水80ml 味醂1小匙   將洋蔥切絲後備用。雞腿去皮切塊後倒入日式醬油和清酒混和均勻，並醃製10分鐘 起鍋，倒入日式醬油、水、味醂，放入洋蔥絲和雞腿塊煮10分鐘 倒入部分蛋液，讓蛋液和雞腿凝結在一起，再倒入剩餘蛋液，並蓋鍋煮10-15秒 起鍋後擺入已放飯的碗   小朋友版咖喱角 材料: 春卷皮8張 甘荀1條 粟米1條 金菇1/4 包 西蘭花1/4個 薯仔2個 BB咖哩1條   春卷皮放入室溫解凍30分鐘，並將每張春卷皮剪一開為二(正方形剪為2張長方形) 薯仔洗淨後水灼至全熟，去皮後壓蓉 粟米起粒，金菇、西蘭花和甘筍切粒 落油熱鑊，可粟米金菇西蘭花和甘筍炒熟並加入bb咖喱和水 薯蓉加入炒至所有材料乾身 把餡料放入春卷皮包至三角形 落油熱鑊，每邊半煎炸至金黃色便可