今次分享一款泰國菜式 --- 泰式豬頸肉，係小b爸經常都嗌媽媽整嘅！ 同小b爸出街食泰菜，佢係唔會點豬頸肉，偏偏就是喜歡媽媽整^^ 今次就試用新添置的廚具氣炸鍋去做 比起用焗爐快，更能鎖住肉汁，Yummy! 材料: 1. 豬頸肉 2塊   醃料: 1. 香茅 2枝 2. 青檸 2個 (渣汁) 3. 乾蔥蓉 1湯匙 4. 蒜蓉 1湯匙 5. 糖 1茶匙 6. 魚露 4湯匙 7. 生抽 少許   醬汁: 1. 青檸 2個 (渣汁) 2. 水 5湯匙 3. 乾蔥蓉 1湯匙 4. 蒜蓉 1湯匙 5. 糖 1茶匙 6. 魚露 4湯匙 7. 辣椒仔 1-2隻 (切粒) *小b爸唔食得辣，所以無落   做法: 1) 香茅用刀拍後，切碎，備用。 2) 豬頸肉洗淨印乾水，加入醃料醃3個鐘或以上。   3) 抹走豬頸肉上的香茅粒，放入氣炸鍋，180度10分鐘，200度5分鐘，然後切片上碟。 **我家用緊美的嘅健炸鍋 (型號: Midea 免油健炸寶 MF20B) ** 4) 醬汁做法: 將所材料混合，放入微波爐叮30秒，取出，拌勻至糖溶化。   notes: 1) 如用焗爐，先預熱，200度，每邊焗15分鐘。 2) 每個焗爐爐溫有差別，請自行調節溫度及時間。     #Midea免油健炸鍋 #MF20B #30個月保養 #mideahk