因為平日都係得我一個湊仔同做家務， 所以我會選擇一啲簡易快速又健康嘅食譜嘅小跳豆 。小跳豆宜家17個月，少食多餐，每日食4固1奶，等我簡單介紹下我會整咩畀小跳豆食啦！   早餐： 通常早餐我都會比一碗碳水化合物溝牛奶比小跳豆食， 例如即沖麥片 、即沖藜麥粉、即沖糊仔等。 另外會再加水果， 例如奇異果、藍莓、提子、火龍果等 。有時會加埋乳酪或者雞蛋。 乳酪中嘅益生菌可以促進bb腸道健康。相信未畀個乳酪bb食嘅家長都會有個疑問，Bb乳酪要點揀？ BB滿6個月， 又適應咗食固體食物後， 可以畀bb嘗試食乳酪。 市面上好多唔同類型嘅乳酪， 畀bb食要留意食物嘅營養標籤， 選擇低糖低鈉嘅乳酪。 因為bb係發育中，所以唔需要特別揀脫脂乳酪。 乳酪加熱會破壞乳酸菌，如果驚太凍，可以用45度水稍微坐暖一陣先食。我自己就會選擇Fage或者Emmi原味乳酪，因為都比較低糖。 大家可以參考下列網址，睇下唔同乳酪嘅介紹同成分： http://www.cuhk.edu.hk/sphpc/cns/Media/ChoiceMagazine_18.4.17.pdf?fbclid=IwAR15SmjbCoXuzluLG6nbxjBRd1jZn0k2ftP_nklTNy_2Uz4B96d3Gl5I_eo   點心： 點心我通常會朝早早啲起身整定，整番薯片或者薯條加蔬菜同肉， 或者整黑芝麻牛奶燉蛋。 肉醬薯蓉/薯條： 材料： 薯仔：1個 番茄：1個 牛肉碎：適量 做法： 1. 番茄去蒂，在底部畫10字，浸熱水後去皮切粒。 2. 薯仔去皮後切粒或切條狀。 3. 牛肉碎洗淨。 4. 把薯仔放入煲中隔水蒸20分鐘後， 加入豬肉碎及蕃茄， 蒸多8分鐘。（炒都可以） 5. 喜歡可加入芝士即成（ 要選擇經巴斯德消毒的芝士）。     黑芝麻牛奶燉蛋做法： 材料： 雞蛋：2隻 配方奶/鮮奶：120mL 黑芝麻粉:1湯匙 做法: 1. 在一隻碗中打蛋及拌勻 2. 加入牛奶及拌勻 3. 加入黑芝麻粉及拌勻 4. 在碗上加上錫紙或微波爐保鮮紙， 隔水蒸12分鐘即成   午餐： 通常午餐我會係朝早或者等小跳豆瞓晏覺嗰陣整， 煮飯、粥 或者麵再加菜同肉。 例子：西蘭花紅蘿蔔拌雞肉蓉粥： 材料： 西蘭花：1個 紅蘿蔔：1條 雞柳：4條 米：適量 做法： 1. 西蘭花搣或剪成小朵， 用淡鹽水浸20分鐘，之後洗淨。 2. 紅蘿蔔去皮洗淨切塊 。 3. 雞柳洗淨。 4.米、雞柳和紅蘿蔔一起落煲煮， 最後5分鐘加入西蘭花。 4. 煮熟後用攪拌機攪成蓉即可。   晚餐： 晚餐會食同午餐一樣嘅嘢， 午餐煮好個陣分一半 用保溫壺入住， 留返晚餐食。   宵夜： 宵夜會畀一樽配方奶小跳豆飲。   簡易一日餐單就完成啦！   謝謝閱畢！ 歡迎聯絡: jumpybeanmum@gmail.com Facebook page: 小跳豆媽育兒記（喜歡按個讚） Blogs 腳印：靚太club,My BB.com, Mamibuy