人生如戲，而生BB一定係整個人生階段最高峰既挑戰。係產房裏面準爸爸同凖媽媽就系最佳男女主角，要完成呢張好戲，凖爸爸同凖媽媽功勞一樣甘大。 有許多研究指出另一伴陪產可以減低孕媽媽既焦慮，例如美國科羅拉多大學研究顯示伴侶喺孕媽媽分娩時握住手有助減輕孕媽媽分娩時的痛苦。但日本亦有調查指出 男士睇到分娩嘅畫面係有機會會導致心理壓力。所以陪吾陪產，準爸爸可以衡量自己能否接受產房裏既血腥畫面，因為生bb點都會出血，加上BB出黎既時候係血淋淋既，如果準爸爸會見血暈就吾洗勉強自己了。陪吾陪產都可以係好爸爸，最緊要產後多d關心同支持媽媽。 甘有能力陪產既凖爸（陪產Man) 應該如何看待同準備自己呢？佢地可以記住呢個最偉大既英文字 「Marvel」： M for Mission 陪產Man既任務系要一直陪伴孕媽媽完成整個分娩過程。而且仲要好似黑寡婦甘打得，系被孕媽媽打極都面容不交。生bb系10級痛，隊友就捱一陣甘多la! A for Assit 要知道你雖然系男主角但同時亦都要隨時輔助女主角。情況就好似美國隊長拎起雷神之鎚前來營救大家。例如當孕媽媽背痛時，助產士會教你用按摩油幫孕媽媽按摩。我生第二胎試過，又真系幾舒服，仲覺得好溫馨。 R for Relax 陪產Man要一直保持放鬆狀態。因為你自己放鬆先可以叫孕媽媽放鬆。如果選擇順產既話，可以上網學習拉梅茲呼吸法，呢個我生第二胎先識用，覺得效果吾錯。 V for Victory 呢一場產房戰役只許成功不許失敗。陪產Man只需要記住要勝利！ E for Encourage 雖然吾洗講都知道成個產程都要支持孕媽媽，不過要留意到最後產程可以push個陣，陪產Man一定要講多d支持同鼓勵說話。我生兩胎都仲記得我隊友既鼓勵說話，因為助產士除左鼓勵之外仲會糾正你既push方法，呢個時候隊友一句「加油！」已經令我充滿力量，喺仍然吾知點用力既情況之下就頂硬上push到出黎。因為如果用吸盤引產係會有機會傷到BB，所以孕媽媽真系要加油! L for Love Last but not least，人生電影一定吾只3000，陪產Man只需要愛你老婆Ten Thousand! 只要謹記以上既「Marvel」陪產tips，隊友就可以好型甘講番句「I am 陪產 Man!」 (圖片擷取自網絡） 更多寶寶成長資訊，可到我的FB專頁 Man Man Diary 歡迎電郵聯絡試用產品或出席活動：diarymanman@gmail.com Facebook專頁: Man Man Diary Instagram: diarymanman ===== Man Man Diary Channel===== Facebook │ Instagram │ Blog│ BK Milk│ Ohpama.com│Mamibuy│ PressLogic Mami親子日常 │ ESDLife  │ 親子集合#tagmum Beauty Exchange│ She.com│U Blog│WeShare