無骨啖啖厚肉鰻魚飯 — 釜之魂釜飯專門店 黎到淘大商場搵食經過路口就見到呢間釜飯專門店「釜之魂釜飯專門店」 以為係食普通石鍋飯，一睇原來推介係厚肉鰻魚釜飯 鰻魚控的我二話不說衝入去試食 門口招牌好似有條鰻魚型狀的裝飾     當日晚上6點幾入到去 已經有好多檯食客 餐廳環境好寬敞    而且與一般餐廳唔同既係呢到準備左好多emoji公仔牌，生日牌用黎selfie或者一大班朋友飯聚/慶祝生日時作為影相道具 氣氛即時唔同晒 岩晒後生仔女黎飯聚呀    小米見到咁多牌，即刻衝去拎黎影相             講返食物先 當然要叫個熱賣鰻魚飯試下啦 有分「金魂」同「銀魂」 金魂係蒲燒，而銀魂係白燒 亦有分鰻魚質地及價錢 厚肉啲就$138，鐘意油脂重啲就揀$108 普通既$88    鰻魚控一定揀最厚肉，入口啖啖肉先正 另外加$20可以轉套餐，可以半價叫特飲 食物未上，店員非常貼心即刻拎左小童用既食具比囡囡～讚    金魂厚鰻魚飯一上檯已嗅到好香鰻魚味 鰻魚下面有啲配菜+蒸飯    有教學教埋軟飯同硬飯既處理方法 而且鰻魚汁可以無限添加～正       鰻魚入口最怕係好多幼骨吉住牙肉同喉嚨 呢間既鰻魚食晒成條都無食到有幼骨 而且真係好厚用，份量亦足夠 食得好滋味 另外再點左鐵板燒雞魂$68，燒雞好入味    小食要左2個：甘露甜薯同埋紅酒牛舌       甜薯有啲蜜糖汁粘著，甜甜地有小小脆小朋友好鐘意食 牛舌炆得好淋好入味 特飲叫左杯賣相好吸引的宇治紅豆抹茶    抹茶上面有一堆Cream,抹茶味香，加埋紅豆甜度適中，唔會太甜，好味，飲晒成杯好有罪惡感 整體食物質素很好，性價比高 因為普遍出面食同一份量的鰻魚飯都要$200或以上 所以呢到好抵食   餐廳資料： 釜之魂釜飯專門店 地址：九龍灣牛頭角道77號淘大商場三期地下G286-288號舖 電話：23666028 —————————————————- 希望大家鐘意今次我嘅分享啦~ 多謝收看 Siyi Bebee-小米琪日誌 歡迎合作/邀稿/產品試用/出席活動/餐廳試食/穿搭 ????Email: siyibebee@gmail.com Facebook page: www.facebook.com/siyibebee IG: https://www.instagram.com/siyib