我睇大部分育兒書都係教家長正向思維，其實去旅行都係一個唔錯嘅方法，可以抖吓氣之餘又可以增長兩公婆感情，旅行過後立即充滿正能量。   回想兩年前2017年8月，我哋女女8個月大，喺佢未係好認人同扭計嗰陣我哋兩公婆選擇咗去Honey Moon . 其實同老公第一次去日本，我哋揀咗東京自由行。 1.好開心食盡日本街頭美食，超地道迴轉壽司、新鮮到極嘅刺身、仲有最愛嘅鰻魚飯同燒肉，喺香港食唔到啲咁鬆化香口嘅燒肉 2.去咗東京鐵塔觀光，可惜最高嗰幾層維修緊，但真係好值得欣賞東京美麗夜景。 3. 期待去雷門著和服已久，心想下次同埋呀女黎影相，不過著和服紮得好緊，我同職員講我餵緊母乳，所以佢哋用孕婦著法就好好多。   4.行西松屋、Akachan買好多BB衫俾女女，仲買咗架平衡車Hand carry 返香港。 5.去到台場見到最靚嘅日落同摩天輪，好難忘嘅畫面記在腦海中，其實幸福就係咁簡單。   老公話下次等女女大個就一齊去 名古屋，因為名古屋好多親子地方，而且名古屋酒店以親子為主題嘅都唔難搵 ，上網睇到好多值得去嘅地方，例如愛・地球博記念公園、有名Lego樂園、名古屋港水族館等等...宜家睇定名古屋酒店都係時候嚕！