終於的起心肝寫埋最後嗰兩日嘅行程！ 第四日食完酒店嘅自助早餐，就去清境！預先上Klook book定架車，就可以由台中酒店直接去到清境嘅民宿！車程大約兩個鐘。 到淸境之後，第一件事就先去我哋間民宿度放低行李。我地book咗 清境森之戀民宿，房入邊有兩層，閣樓都放咗雙人床，浴室仲有個超深嘅池，可以浸浴，民宿仲提供左薰衣草味嘅入浴濟 森之戀個地理位置都好高，所以都兜左一輪山路先去得到！不過，露台望出去嘅景色超級正我哋去清境嗰兩日仲要超好天，藍天白雲，睇到都覺得心曠神怡~ 放低行李之後就食lunch，我哋喺清境冇包車，不過民宿嘅兩位洪小姐超級好人，不停車出車入，好似包左車咁好服務！！！佢先車我地去食飯，之後送我哋去青青草原!! 青青草原五點就關門，要把握時間同羊咩咩玩！Natalie一開始有少少驚，搞咗一輪先肯肯羊咩咩食嘢  羊咩咩通山走，只要你拎住飼料就會有羊咩咩過嚟同你玩同你影相！（‼️要小心遍地羊!!） 玩完羊咩咩就去睇埋馬術表演（青青草原嘅門票包埋） 馬術表演睇完已經四點半，呢個時候羊咩咩已經匿埋晒  工作人員亦會開始叫啲人走。。。所以記住去睇馬術表演之前同羊咩咩影多啲相啊~  Bye bye 羊咩咩之後，民宿嘅洪小姐又來接我哋番民宿休息一陣，到六點幾就車左我哋去一個平台睇日落  一路睇日落一路聽夕陽無限好 睇完日落，跟手book埋車第二朝去睇日出。。要3:50am出發  3:50am架車準時到咗民宿接我地，喺漆黑一片之中我哋出發喇！ 司機先車我地去一個平台嗰度睇星星，都睇到好多星星，不過又凍又眼瞓，Natalie都麻麻哋鍾意。。 之後架車一路開上山，去到武嶺（3275公尺）附近，就咁喺路邊停低等睇日出。Natalie覺得實在太凍，決定匿埋喺架車度睇 其實我哋已經著晒羽絨！ 時間較得啱啱好，等左一陣太陽伯伯就出嚟啦!! 睇住啲雲漸漸變橙變紅，真係幾浪漫～～ 睇完日出就番民宿補眠 Check out之後我哋就去咗紙箱王，係一個全部野都用紙砌成嘅地方！有得坐小火車、Sir滑梯、買紀念品、食嘢等等！我哋喺呢度消磨左一段時間，跟住就搭車返台中直接去機場了～ 開心嘅旅程咁就完結啦 除咗有兩個朋友全程提供星級托兒服務之外，台中&清境真係幾適合同小朋友去旅行嘅地方。除咗我哋去嘅地方，台中其實仲有超多親子餐廳、遠少少亦有多啲睇動物嘅地方，不過我哋時間有限冇去到。 好娘都要講句： 離開 是為了回來。 #親子之旅 #親子遊 #台中 #清境 #親子活動 #文青 #慢活 #青青草原 #羊咩咩#日出 #日落 #夕陽無限好 #離開是為了回來 #森之戀民宿