好清新既甜品~~椰香濃~~芒果多汁香甜!!!!!!!! 材料好簡單 鮮奶 180ml (大眼媽用左全脂奶做甜品會比較香) 水 120ml 椰奶 250 ml (其實可以用椰漿就會杰身d咁魚膠粉就要減dd喇) 糖 60g (少甜版!!!愛甜既要按需要增添) 魚膠粉25g 芒果2個 (選用左呂宋芒較香、多汁、果肉夠黃) 3種液體水、奶、椰奶倒入煲中~細火慢慢煲滾 然後將糖加入攪拌溶化後熄火 再加入魚膠粉用餘溫溶化 *******註 將芒果起肉切粒 放入芒果粒待涼就可放入雪櫃等凝固 因為鍾意食比較軟身既糕類~~魚膠粉真的不能重手 相反鍾意食有口感d既朋友仔就可以加多5-10g魚膠粉了 雖然話係軟身~~不過用牙籤都篤得起冇穿爛嫁 其實大眼媽都係睇人地食譜再自己改份量的~ 你都可以邊整邊試出自己鍾意既口味~ 做自己鍾意既甜品!!! ********註 魚膠粉之教學 魚膠粉係屬於動物性既膠類 所以本身係略帶腥味 只要用唔太熱既水開溶就唔會有太大既味道 如果有充裕既時間/經常做甜品而用上魚膠粉 可以先用多個小氣皿隔水蒸溶魚膠粉 變成一杯杯既小魚膠 每次刮出魚膠直接放入半熱液態內溶化 就可以減省即溶魚膠粉出現浮面既粒粒 <<香芒椰汁糕製作短片>>