一直以來都以為生個小男生，一定不願痴住媽咪，細細個就要自由奔放不願拖住媽咪，但自從生咗波仔後，這個觀念令我切底改變。   波仔係一個名副其實的小暖男，他第一句說話係叫「媽咪」（個’咪’字音仲要向上，唔知點解)，成日默默望住媽咪之後甜甜的微笑，每次進食喜愛食物都會毫不吝嗇地笑著伸手餵媽咪一口。當我上班時，打電話給正在照顧他的婆婆，他竟然在後面不斷大叫媽咪，好像知道媽咪正在給他電話一樣！有一次我煮早餐時不小心弄傷，我故意在他面前裝哭說：「媽咪痛痛呀。」誰知他即時遠遠行來，攬住我再錫我一面口水！仔呀，你有必要每日都令媽咪個心溶化嗎？正當我心甜絲絲，打算繼續煮早餐時，他已經不容許我再放他落地，波仔要痴住媽咪的程度係在屋企都要「全！日！抱！住！」。任何人都唔跟包括爸爸，所以不論我做什麼，都會攬住我隻小樹熊波仔，包括做家務、大解小解、食飯... 沖涼就真係無辦法，惟有任由他豪哭數分鐘吧...   就係因為咁，我練成一身絕技：單手煮食（切勿模仿）、單手化妝、單手換衫、單手做家務等。但其實我知道這只是一個短暫的時期，總有一天你會長大，漸漸遠離我的懷抱，甚至不再需要媽咪的照顧，所以媽咪更享受同珍惜你每日痴住我，眼裡只有媽咪的世界，無時無刻都「媽咪媽咪」，這是我同你一生中最親密的時光，你多麼需要媽咪的樣子我一輩子都不會忘記