復活節我地一家去左東莞觀瀾湖度假酒店來個3日2夜的親子遊!! 今次係同埋另外兩個家庭一齊去, 一共有6個大人, 7個小孩!!! 聽到覺得勁呢~~ 去觀瀾湖度假酒店玩, 有樣好, 就係包車包食包玩, 基本上唔使再諗行程, 好岩我地呢D根本無時間慢慢plan, 又或者即興去玩既人~~ 詳細分享下第一日行程先: 10點 - 皇崗集合 買PACKAGE會包來回皇崗專車去酒店, 需提早預約喔! 由於過關需時, 加上有小朋友唔可以用E通道, 最好早D去到! (我地9:00已經過左關, HAHA~ 去左附近茶記食早餐) 由於同車有一家人遲到(!!) 所以連累到其他人, 包括我地一行咁多人等佢一家 =.= 遲左出發之餘又落大雨, 要11點半才到達東莞觀瀾湖度假酒店。 假期人多, 搞check in又搞左成個鐘...... 可惜都要3點才有房, 先將行李放LOBBY, 周圍行下同搵地方食午餐先. 酒店好大, 有幾間餐廳, 包括最大的千樹里西餐廳 (自助早餐、自助晚餐也是在這), 也有中菜館、CAFE、STARBUCKS!! 本身想去中菜館的, 可惜已FULL, 又不想等位, 就去了STARBUCKS來個輕食, 小朋友們基本上想快快去玩, 才不管吃什麼呢, 也好, 阿媽我可嘆杯咖啡充充電! STARBUCKS 午餐 新開的, 而且位置有點偏, 所以很少人來! 非常好, 我們可以慢慢地舒服地來個輕食~ 三文治、長通粉沙律、咖啡、沙冰, 大人小朋友都滿足~ 由於出發前看天氣報告, 已知道這三天都下雨, 所以我們都只在室內活動, GOLF場無機會一去呢~~ 酒店的玩樂設施非常多! 加上是復活節港人出遊高峰! 全酒店都很爆場, 感覺上職員都一早準備好, 所以一切都算是順利~~ 第一站: 兒童樂園 就好似一個大型playhouse咁, 乜都有得玩, 互動版波波池、滑梯、變裝、積木、車車、迷你攀爬設施, 殺時間、放電一流~ (套票已包入場一次, 我地第三日都有再去, 一大人一小孩CNY38, 無時間限制) 第二站: 兒童藝廊 套票已包每位小朋友做一個手工, 可以選沙畫製作或陶瓷花瓶上色 呢度都可以玩大半個鐘~ 復活節更有特別活動~ 打破復活蛋!!! XDXDXD 復活蛋內有不同的獎品號, 包括毛公仔、填色薄、小手工組合、遊戲金幣等等, 都算不錯! 同一棟樓仲有: GYM room、乒乓球、3D美術館、Snooker、少量投幣夾公仔機及賽車機. GYM ROOM 3D美術館 玩完呢棟都傍晚, 所以去返主大樓攞房, 休息一陣就去吃自助餐! 第三站: 自助晚餐 @ 千樹里西餐廳 自助餐當然是多國菜啦, 雖然人多, 但地方夠大, 唔會太逼迫. refill 速度OK, 食物質素OK, 但未算好驚喜~~ 小朋友都有好多岩食既野~ (通常佢地掛住玩多過食XD) 前菜沙律類: 海鮮類: 其他熟食: 甜品類: 酒水類: 好可惜我個人唔舒服, 食左一碟仔就回房休息了 T_T (哭) 晚上小孩們沖完涼未捨得訓, 去左隔離房玩~~ 我就係房休息, 可以講隔音幾好, 佢地嘈到拆天我呢邊都聽唔到, 哈哈哈!!! 第二日我地去左觀瀾新城, 超大超好行, 好多野玩的shopping mall!! 敬請期待~~~ 另外再開一篇講酒店房環境: 酒店地方太大, 記得影低地圖先好周圍行XDXD 外出必須記低shuttle bus時間: 註: 3日2夜套票包括： 高級豪華（山景）客房兩晚 豪華自助早餐 觀瀾湖自助晚餐一次或500元餐飲現金券 60分鐘香薰身體按摩（2位） 溜冰一場或保齡球一小時【位於觀瀾 湖新城】 手藝工場傳統手工藝項目體驗一次（位工觀項湖新城） 週末烹飪課體驗1節（需提前預約） 遊樂暢玩家庭套票 皇崗口岸至球會往返穿梭巴士服務（需提前預訂） 入住東莞度假酒店 *免費* 遊玩項目： 酒店康樂中心 - KTV 1小時（18:00前使用），反斗樂園（10遊戲幣），美式桌球1小時，乒乓球1小時，兒童樂園，餵養動物（包食料），沙畫製作（含材料），蹦床，繩網，兒童藝廊或陶藝室 迷你高爾夫 - 迷你高爾夫球1場，限1小時 我想話我3日都玩唔晒D野!! 希望我快D寫第2日啦!!!!!! 前文: http://bit.ly/2JBgDRK * * * * * * ☆成長日記☆ * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
