如果得大人海洋公園，通常食啲小食就算。但因為同李澄一齊 ，都係搵個舒服嘅地方坐低食午餐比較好。原本想食海龍王餐廳，但佢裝修緊，所以我哋就嚟咗食爐炭燒啦。事不宜遲，直接去 #湜澄媽食評。. .  #泰式柚子沙律  柚子新鮮冇苦味，青檸嘅酸配辣椒辣好夾，而且顏色鮮艷，絕對係令人開胃嘅開盤 . .   #泰式傳統沙嗲串 因為店舖叫爐炭燒，所以對串燒比較大期望。雞豬牛各兩串，燒得比較乾，已經冇曬肉汁，估計唔係炭燒，因為冇炭香，醬汁亦一般，比較失色. . #泰式小食拼盤 好浮誇嘅擺盤，好似一棵樹上有5個碗仔，每個都有一款小食，其實都幾靚只係我影唔得唔好。春卷、蝦餅、魚餅、雞寶同 班蘭葉包雞，蝦餅彈牙有蝦味，李澄都食咗好多。其他完全recall唔到味道，應該係普普通通. . #香茅椰汁雞湯金邊粉 好淡嘅椰汁味，係泰菜中比較啱曬小朋友食嘅。 . #紅咖哩燴鴨 香鴨肉配鮮甜嘅提子、綠色嘅豆、黃椒，顏色好吸引，微辣嘅醬汁同濃郁嘅香料味，真係好睇又好味；跟埋碗白飯，可以食曬！. . #兒童餐 呢架火車 一上枱，澄兄呆了。不過，架火車好大架，令到入面嘅飯菜比較高，澄兄坐high chair 都唔夠高，唯有拆入面個盤出黎。(但好快俾侍應收走咗，好彩澄兄冇喊) - 入面有菠蘿炒飯，媽媽覺得好好味，菠蘿夠多又甜，仲有少少肉鬆，可惜唔中澄兄是日口味???? - 中間一份係烚雜菜，大部分係紅蘿白，非常健康。真係淨烚，冇調味，所以，重口味澄兄完全唔食???? - 一份小食併盤，就係蝦餅同春卷。 - 椰汁千層糕，好甜好煙韌，但曬一份會太漏，同屋企人 分就啱啱好????. - 可以扭一次蛋，係動物公仔，澄兄happy! . #泰式炒椰菜苗 有椰菜苗外，仲有椰菜花、粟米仔同紅蘿蔔，少少鹹，啱大人食. . 生日優惠送嘅，藍莓cupcake，夠香夠鬆軟夠甜。所以，就算已經好飽，我都食曬   $$5大人1澄兄：$1060（加一）以樂園買罐汽水都幾十蚊黎講，性價比OK #食評真係要快寫 #一星期後已經忘記一部分 #或者要再影多d相 #金魚記憶媽媽       = = = = = = = = = = = = = = = = = = = = = = = = = = = = = = = =  ✽ 歡迎追蹤我更多育兒生活分享  - 澄兄湜弟 Facebook專頁:  澄兄湜弟 Instagram: @desiree_dumbo   歡迎聯絡我地 / 合作邀稿: desireeyi@gmail.com