剛剛21個月的CW, 近日給媽媽一個很大的「禮物」 — 掛泵。 話說CW媽是一個全泵媽，由出世那刻開始，便沒有埋身成功。但為著CW健康著想，只好一直泵、一直洗、一直泵、一直洗… 頭3個月CW媽非常堅持3-4個鐘泵一次，就算復職後也堅持4個鐘泵一次，依舊凌晨時分也繼續泵。由原本朝不保晚的奶奶生活，到4個月後打爆整個雪櫃，要拎D奶去沖涼、整番梘(中間仲試過比CW婆掉了我10幾包冰奶) 。 直到大約10個月時，整損左蓮姐，泵出士多啤梨奶，CW媽仍然沒有放棄，忍痛繼續泵，一日泵至少3次。當時奶量大減，蓮姐三日唔埋兩日就流血，但靠著倉儲，CW還是足夠早晚一支媽媽奶。有時CW仲可以一日只飲一支奶，媽媽心諗係唔係好快可以掛泵，所以減泵至每日2次。但至從去完歲半的健康檢查之後，CW突然又飲返多奶，可能一日飲到4支，媽媽冷不防CW有此舉，只好俾3.6奶奶佢飲。直到近兩個月，每泵得返40 ml左右，全日先泵得60-80ml，但媽媽還是很努力???????? 上星期的一個平常晚上，媽媽終於儲夠200ml 奶奶，座熱後就俾CW飲。飲左一啖之後，佢…佢…竟然話唔要….佢要飲3.6。OMG!!媽媽哭著離場…..到第2日，諗住可能因為D奶放耐左有陣味，所以CW唔飲。媽媽決定泵D新鮮嘅出黎俾佢飲。同樣地，CW唔再飲。就此，試了兩次，CW堅決唔再飲媽媽牌。 OK, Fine~ 媽媽終於宣佈 掛 ! 泵 ! ???????? 你以為CW媽會好傷心，難捨難離嗎? 錯! CW媽高興到不得了。終於可以訓多半個鐘，終於唔使再洗奶泵，終於返工唔使再好似搬屋咁帶咁多野，終於可以食返韭菜餃、乳鴿，飲咖啡、奶茶，染髮，減肥…..yeah~!!甩難了~~~雖然無法完成當初的目標，餵到2歲，但21個月都已經唔錯????????????????CW媽已經少奶到，唔泵都唔會谷奶，完完全全自然的退奶。為這段泵奶路畫下完美句號。   更多分享, 請到-----> 塞豆窿看世界 由1ml到100ml真的不是容易事 (攝於一星期) 慢慢有倉儲 (攝於一個月)   突然出現士多啤梨奶，嚇死寶寶 (攝於10個月)每一泵都係得咁多.... (攝於20.5個月)