《小朋友都愛甜品下午茶- 芒果糯米滋》   早幾日買咗4個厚肉芒果，除咗就咁切嚟食，仲可以整咩呢？芒果西米露？芒果班㦸？芒果大蝦沙律？最後包包話整芒果糯米滋，一於咁話！   今次我做大嘅芒果糯米滋，比較厚芒果肉，有質感啲，做法好簡單，30分鐘就完成了！包包仲好滿意製成品㖭！其實整完後雪3小時，效果會更好，不過呀包實在等唔切！要偷食喇！   其實識整咗個皮，個餡包咩都得啦：榴槤、香蕉、士多啤梨等，我自己就鐘意另一種食法，就係切晒糯米糰做細細粒mochi加雪糕????好正   做法好簡單： 芒果糯米滋(大約5個份量) 材料:  糯米滋皮: 椰奶200ml 全脂奶80ml 糯米粉165g 粟粉15g 白砂糖70g 菜油1湯匙   糯米滋皮用的糯米粉30g/椰絲20g 芒果3大個   做法: 先把糯米粉炒熟及爽身(白鑊細火慢炒5分鐘，不用落油)放上碟待涼備用 混入椰奶，全脂奶及白砂糖，攪溶 加入菜油，慢慢加入已炒好的糯米粉，一邊加，一邊攪 加入粟粉，攪拌成粉漿 搽少許菜油於蒸盤 粉漿倒入蒸盤蒸20分鐘 蒸好後，趁糯米糕熱時用筷子攪拌，攪拌至有煙韌感覺(順方向攪大約5分鐘) 將糯米糕放上厚保鮮紙，包好待涼 把芒果起肉 將糯米糰切成每份大約70克，再用保鮮紙拿起70克的糯米糰，轆平後就可以放上芒果肉 灑上已炒好的糯米粉後完成