過去1個月, 為了加強作為一個Lv 0的新手爸爸的育兒智識/孕婦須知, 以及不負我大佬教既 要攞盡所有免費禮品的美徳*(重點), 我見可以報得的孕婦講座我全部都報了! 去孕婦講座 的密度比起我巔峰時期報CPD講座的次數還要多。 當然, 亦要多謝老婆不怕舟車勞動陪我 周圍去顛，去孕婦講座有嘢玩有嘢學仲有禮品送，非常充實，各位準爸爸如果得閒嘅話都 真係應該陪老婆去。 以下是給予同我一樣將會成為新手爸爸的人，小弟將參加咗的講座作出一些簡單總結，以及留下報名方法，希望各位新手爸爸可以參考! Snow Brand雪印產前講座 一個不錯的講座，大約兩個月會舉行一次。主要有兩part, 講的包括孕婦產前產後可以進 食什麼食物及湯水，還有示範一些基本的孕婦伸展運動。現場有得以優惠價買媽媽奶粉， 更可以以優惠價買BB沖涼盤或hip seat + 嫲嫲奶粉，同款的hip seat比起一田減價時還要 平。送的禮品最實用的是一個雪印自家背囊，小弟堅覺得型同好睇，阿B第時出咗世我一 定會帶出街用。附上一張Kinetics奶粉換領券可以換到一罐1號雪印奶粉。https://www.snowbrand.com.hk/seminar.php Friso美素佳兒產前講座 非常容易報的講座，差不多每個星期也有，多數都會在尖沙咀某酒店舉行。現場會有一些攤位遊戲介美素佳兒的產品，要全部完成並在演講完後才可取得禮品。講座內容都是圍繞着孕婦的飲食知識，亦有陪月員示範如何同新生嬰兒沖涼及需要注意的事項。總括來說是一個較為悶的講座，因為要乾坐兩小時。贈送的孕婦三角枕老婆暫時未覺太有用，但聽其他朋友說後期會非常有用。個人覺得禮品是少了一點。 https://www.friso.com.hk/hk/seminar MeadJohnson Enfinitas育兒護理工作坊 個人覺得是暫時最好玩的嬰兒講座，MeadJohnson 有Enfinitas (鍾嘉欣賣廣告的)以及 Enfamama A+ (林嘉欣賣廣告的)兩條唔同line的講座，我們首先參加的是前者。時間較為短只有一個半小時，在尖沙咀某酒店內舉行，有兒時睇閃電傳真機時的其中一位主持做 大會司儀，全程也覺得十分生動有趣。有嬰兒公仔可以俾爸爸媽媽跟着台上的護士示範玩換尿片及穿衣，非常particle，之後更會有一套全新的衫仔及尿片試用裝送贈。現場可以以$100優惠價購買Enfinitas DHA 30粒裝，如太太食開這隻supplement真係非常低買 （正常賣緊$268）。值得推介! http://enfinitas.meadjohnson.com.hk/zh/newevent MeadJohnson Enfanama A+ 產前講座 由兩位婦產科醫生及兒科醫生主講生育護理及幼兒發展須注意的事項，個人覺得講得非常生動有趣及實用，並不是照slide講。兩小時的講座在旺角某酒店舉行，非常旺場。送的產品也十分吸引，有個大孕婦U型枕及BB車袋，感覺會十分有用。如果各位只是打算參加一場講座，這會是我最推介大家參與的！ https://www.meadjohnson.com.hk/articles/pclass   惠氏媽媽產前產後湊B實習班 與美贊臣的講座非常相似，在尖沙咀某酒店舉行。個半小時的講座重點介紹是湊仔護理，有BB公仔可以玩穿衫和沖涼時的正確姿勢。送的禮品亦吸引，有DHA及Materna的試用裝，個人覺得值得推介。 https://event.wyethnutrition.com.hk/   T21 x Mabio Uni媽寶學院- 生育前後點算好 地點真係一般般, 係奧運站附近的紅十字會總部舉行。講座主要教授的都是一些基本孕婦產前產後的知識，內容較為簡潔因個半小時的講座要涵括整個懷孕、生育、產後護理過程以及解釋T21是什麼(但正常出席者胎兒都已經過了12週，要做T21的一早都已經做了 )。問答環節時一眾孕婦都十分踴躍，最後會有有獎問答環節，但送出的獎品不太吸引。最吸引人的贈品是一條MiDes的嬰兒包巾。送了一張奶粉換領券，之後去診所換領了兩罐試裝奶粉。 http://www.mabiouni.com/   MiDes 母乳啜哺攻略 傳聞非常難報到的一個實習班，需要每個月尾到其網站查詢其開班場次(我差不多每日也check住，一見到有班開就報)，同期報的嬰兒穿衣班就落空了。只可以太太參與，位於其長沙灣的陳列室內舉行，可惜上課的時間都是閑日工作時間內。老婆表示課程十分實用簡而精，送的BB和尚袍，紗巾及襪子都十分可愛。即時買東西可入會有8.5折，沒有老公在旁，一眾大肚婆都會失控購物，各位準爸爸請自行三思會否幫太太報這個班，因為九成也會出血。 https://www.mides.com.hk/caring-talk/   uBaby x Combi新手爸媽知多D uBaby 聯同雀巢及Combi 舉行的講座，於太古城某婚宴酒樓舉行。同場會有Combi嘅產品以八五折售賣訂購，以及雀巢supplement以優惠價發售。講座主要分兩個部份，第一部份是講BB營養吸收，而第二部份就是講揀BB車應要留意嘅事情。第一部份有行很多孕 婦講座內容大致相似，所以我們都較為對第二部份有興趣。有問答環節但送出的獎品只是 Combi濕紙巾，上台幫手表演更只係得到一包米!(澳洲袋鼠米價值$77.9!!!) http://www.ubabygroup.com/?section=NewsEvents&id=1615   Elevit 新手爸媽產前講座 申請這個講座要首先入咗Elevit的媽媽會，收到電郵通知參加，地點在油麻地一間酒店舉行。老婆表示是一個比較沉悶的講座，演講的醫生照slide讀，教孕婦一啲基本嘅懷孕所需營養知識。沒有特別的hardsell佢哋嘅產品，本身老婆已經食緊，所以試用裝有用，但只係得四粒! 送的贈品最開心的是有嬰兒奶嘴! http://www.elevit.com.hk/zh-Hant/mom-club/   BeautyMama - 新手父母必學孕婦按摩班 一個較為特別嘅講座，不定期舉辦，對上一次舉辦已經是2017年的事，舉辦地點在灣仔某社區會堂。講座內容主要是教老公如何幫太太按摩，亦有推廣他們自己公司的按摩服務及示範，以及可以以優惠價試做一次。演講途中不時會有what apps 即時互動有獎問答遊戲，氣氛十分良好。小弟僥倖地中了二獎可以上台大合照!入埸禮物包有一包孕婦湯包以及嬰兒口水肩或頭巾。 http://www.beautymama.com.hk/?page_id=17   Oh!爸媽「BB.孕婦嘉年華」 第一個參加的展覽在九龍灣舉行，現場設有很多講座可自由參與，亦可事前網上報名，每個參加完後都會有禮品送! 由於當日有紅雨關係，我們在落雨前已到達，但現場參與個人 並不太多亦沒有擠迫的感覺。其中最為深刻印象的展區是爸爸學堂，設立陣痛體驗區，將個電貼貼喺肚皮上體驗大肚婆的陣痛真係痛到PK 㗎! 同場聽了的講座包括有 “如何提升母乳質與量”及“順產 vs 開刀”，講座完後有現場問答遊戲，被抽中又答中的可以得到 Silver Cross嬰兒車一部 (流晒口水都唔揀我，可惡!)。媽媽紓緩區教了一系列的伸展運動都非常有幫助。現場送了大量的試用裝，非常值得推介大家去。 http://www.ohpama.com/   WonderMami孕賞日.產前講座 講真，參加這講座是因為看到他們送出的禮品數量很多才打動到我們去參與。禮品如下: 1. 迪士尼英文字母海報  2. Silver Plate精美花朿  3. 優補達人鰻魚精華試飲  4. 喜臨紗巾 5. Hello Kitty 特別裝膠布 6. 黃色小鴨 Piyo Piyo Hong Kong 洗衣液試用裝50ml乙支  7. 免費迪士尼即影即有相片 8. 添囍唐薑醋試食 9. 舒護蕊溫和女性潔膚液體驗裝 10. 優補達人鰻魚精華紗巾 (活動當日先到先得) 完成講座即獲禮品包乙袋: 1. Baby Swipe 多用途嬰兒濕巾 2. 舒護蕊溫和女性潔膚液體驗裝 3. 驅蚊敵蚊水試用裝 4. JcoNAT 原生除菌液60ml 5. Bio-Oil® 護膚油試用裝 5ml 6. NUK 母乳乳墊 7. Goon 尿片試用裝 8. NUK 洗奶樽液試水裝 6ml 9. Cetaphil 嬰兒溫和潔膚及洗髮露二支裝  10. 位元堂中藥防掉髮試用裝 講返講座，講課分了三節，每次講完孕婦知識後會有贊助商推銷他們的產品，然後會有問答環節送獎品。個人認為非常沉悶，很多孕婦亦頂不住早退。 https://www.facebook.com/WonderMamiHK/   一個月內一口氣去了12個講座，有啲仲要報咗冇去到，講真真係太頻密太攰啦！但係總括嚟講其實都係好值得大家去，聽多啲實在冇壞。我個人覺得最值得去的是雪印, MiDes及MeadJohnson!   以下是報了但未有得上/抽不中的講座： 雅培：　https://www.abbottmama.com.hk/events/ 雀巢： https://www.nestlebaby.hk/event Kinetics: http://www.kinetics.hk/ 健康講座網：　https://healthtalk.hk/tc/index.php Hipp: https://www.facebook.com/HiPP.hk/   嚟緊再咁癲應該都係八月嗰個荷花BB展。