超長文，但你可想而知我幾嬲，好多時媽媽谷會send d 團購group link，所以真係要同各位媽媽分享下，唔好再同佢買嘢！ 一個冇交帶，交貨遲，扮寄左貨，唔理客意願鍾意退錢就退錢嘅團購group，俾完錢等完都唔會有貨收，店主大哂嘅團購group，店主：飯X媽 話說我4月時係呢個不知所謂團購group買左樣嘢，係呢d咁嘅團購group報完之後唔會有人confirm你係咪已經落單，唔會有消息。之後突然有5/5月有人通知叫你3日內俾錢，話7/5出貨。咁我7/5俾錢（即係準時係3日內），俾完錢又係冇消息冇通知。到9/5乜都收唔到，我問佢係咪寄左，佢先話我俾錢遲左，順豐已經走左冇寄到。頂你，咁你話3日內俾錢我咪3日內俾囉，邊度有遲？ 之後佢話21號先再寄，無啦啦要等多兩個禮拜我已經好唔滿意，但ok我照等。等到21號，佢又話佢個仔病左出唔到貨（佢係係佢個大GROUP講，仍然係唔會私下PM你），大家都係媽媽，bb病左好辛苦我一定體諒，咪繼續等囉，我一句都冇話佢。只不過，我見佢話佢個仔病到咁辛苦，佢都仍然可以係佢個團購group度出7個post賣嘢，繼續覆d客，覺得有d好笑。佢會繼續出post，約續覆新客，但已經買左嘢嘅客呢？你都俾左錢啦，佢緊係照顧個仔啦，你唔問佢佢點會理你？ 之後我驚佢bb未好返，等足十日，31/5再問佢d嘢寄左未（期間都係唔會pm你佢寄左野未），佢send張順豐圖俾我，日期寫住28/5，我問係咪即係28/5寄左，佢話係，咁我又繼續等 到1/6，即係佢話寄出日期之後第五日，我仍然收唔到任何msg，佢提供的單no亦都check唔到件貨係邊，問佢，佢話順豐包得慢，之後我再冇應佢。同一時間我係我自己媽媽谷share覺得團購等好耐，d人從來唔會通知你d貨到邊，寄貨一拖再拖。我媽媽谷嘅人話都唔知佢到底有冇寄，有一番討論 點知呢個時間我自己媽媽group有個同飯ｘ媽friend嘅媽媽係度，係咁維護佢，係咁話唔信佢就唔好買叫我退錢。但我根本唔係想退錢，我係想要貨，如果要退錢我7/5已經退左！我同佢講唔需要佢幫手，我會自己再同佢傾 但係突然間，個飯ｘ媽whatsapp我話：如果你唔想等我就退錢，一秒後payme埋我退錢。我一睇到覺得你咩事？「如你你唔想等就退錢」即係話我想等就唔退啦，但佢完全冇等我覆就payme我，好唔尊重。退錢你有冇同我商量？有冇問過我意見！明明我一直係催緊你俾貨！我一句都冇提過退錢（佢之前都冇提過）（其實好明顯係我group媽媽同佢講左d嘢，佢知道後覺得我係自己媽媽group講佢，佢唔滿意）之後我同個店主講左好耐話唔要退錢，話佢點可以自己覺得要退就退，講多兩講佢cap張whatsapp group圖俾我睇，話佢有最後決定權！ 哈！即係原來佢唔滿意，突然唔想做你生意，佢鍾意退錢就退錢，唔使理個客意願。前後我等左差不多兩個月，你唔開心唔鍾意就退錢，而件貨我永遠拎唔到，客人好冇保障。好彩我嗰個係bb，佢唔知我買嘢俾佢，否則其實佢一等再等，等到最後間鋪唔理會客人決定就退錢，件貨永遠唔會收到，小朋友都幾慘。 然後我真係嬲嬲地，因為我嘅媽媽朋友懷疑佢根本未寄，於是我打去順豐同elocker熱線，再去埋順豐門市俾個單no佢地去問，結果全部回覆都係順豐根本未收件，件貨仲係佢度！未寄咪未寄囉！做咩講大話！ 我同佢講順豐話佢地冇收過貨，佢竟然話佢地商業合作，我唔會明佢地程序，順豐嘅人亂答我呢d普通市民！好心啦，人地咁大間公司，我用唔同方式問左唔同嘅職員，個個都話你未寄，你都可以話人亂答我，我真係無話可說 佢話退款嘅時候，曾經提過會去順豐拎返件貨（完全係佢自己提出，我之前從來冇講過要拎）。於是我話，既然你有寄，咁我同你一齊去拎返啦！我send完呢句之後，佢個朋友係我個媽媽group話叫我唔好再滋擾佢。真係好好笑，成個傾談過程我根本從來冇同意過退錢，係佢自己堅持。去順豐拎貨係佢自己講，既然佢本身都會去拎，我話同佢一齊去拎，咁都滋擾？ 之後佢無啦啦約我星期一上晝去青衣拎貨，仲話因為要配合我想一齊拎，所以佢停左成板車嘅貨。星期一我係要返工去唔到，佢就話我縮唔敢去。我覺得好好笑，最開始係你自己話要退款同去順豐拎返貨，明明係我配合緊你。你話會去順豐拎返，就算我同唔同你一齊，你都係要停哂d貨，點解要話係配合我？我根本從來冇要求，係佢自己決定！ 到最後我都唔想再同佢爭論，佢亦踢左我出group。之後有其他正義媽媽send返group嘅內容俾我睇，佢話因為我玩嘢，搞到所有貨要遲，話我累全家。而係佢group嘅其他媽媽就信哂佢又講粗口又鬧我。講真，d貨遲係因為你自己強行退款，自己決定要去順豐提返我件貨，根本唔係我意願，我只係配合你做法，提出想一齊去，但佢就將責任放哂係我度。 其實由頭到尾話要退款嘅係佢，話要拎返貨嘅都係佢，我從來冇要求過，事實係我配合緊佢，但佢就將個波推係我度 最後我想講，如果有媽媽係佢個group，請你睇清楚發生緊咩事，佢夠膽咪唔好踢我出group再講我玩嘢，等我又一齊討論下邊個啱邊個錯定有咩誤會囉，但佢自己又要驚 如果你係鍾意買嘢等兩個月，接受到你有意見俾佢而佢唔鍾意聽就退你錢，話決定權係佢度，等完幾個月都冇貨收就繼續同佢買
