20190526-20190601 Yeah 我期待而久嘅family trip 終於完成左了我一直就好想帶軒軒去旅行，加上今次我仲陀住小小b，實行一次過babymoon埋     講開babymoon，上次陀軒軒都有去東京同輕井澤，櫻花季去，今次就去九洲，雖然5月尾去，但一早一晚都係20度左右都要著件薄外套。     今次因為我出發時係29週，根據國泰港龍嘅指引，28-36週要提供醫生開嘅證明信 證明係適合飛，而張證明嘅簽發日期要係出發日嘅十日內先有效，所以我係出發前三日約上去產檢睇一睇小小b情況同拎埋張證明。 4D下嘅小小b係超似軒軒哥哥     我地今次第一次帶軒軒搭飛機外遊，去嘅地方係日本加上去7日，喼少不免一定係帶兩個隱陣。我地出發時所有野放哂係同一個喼入面，另一個就咭喼去。另外我地帶埋bb車去，揹帶就唔帶。     大人行李就簡單啦，幾件衫一啲日用品就得，有咩需要都可以去到日本再買。 至於軒軒，第一次我就幫佢準備左以下物品： -一包全新拉拉褲46片裝（最後用剩三分一帶番香港） -7件短袖衫+3條短褲+3條中褲（我地係旅程中老公會手洗） -一件睡衣 -毛巾仔兩條 -雖然5月尾，但氣温都係20-30度，所以帶備一厚一薄外套 -襪兩對（因為我地會手洗） -鞋就7日著同一對 -餵奶巾（埋身餵奶，最後竟然無用過，連係飛機上面都無用過，呢個係我最估唔到因為來回入到機艙，起飛前佢已經訓左攪，降落時又無扭計又無嘈耳仔痛，老公話佢唔怕搭飛機） -零食盒一盒（我係香港裝滿左個盒帶埋去，到最後個零食盒係無出動過） -由於想儘量輕便，所以今次係帶即棄圍兜同即棄枱墊過去用。 -飯衣兩件（好彩都有帶埋，因為一開始軒軒唔中意用即棄圍兜，係後幾日先無問題） -tiny diner （無用過，因為我有即棄枱墊，所以呢個帶過去都係以防萬一枱墊用哂） -軒軒平時嘅餐具（食物剪記得放入行李箱寄倉！） -軒軒平時用開嘅水樽 -一個保温水壺（出一日街只帶一個水樽軒軒一定唔夠飲，有時未係餐廳食野，就靠呢個水壺添水俾佢） -蚊貼 -防曬 -一包抹patpat濕紙巾（用完係日本買左一包） -一包抹手口濕紙巾 -岩小朋友玩嘅玩具（我地帶左幾部車仔，兩本貼紙書） -沖涼液、爽身粉液、lotion  -平安藥（我係出發前去軒軒睇開間診所配左止咳，鼻水，止嘔，肚痛，退燒，水土不服 六樣藥） -三支細蒸餾水（溝水溝到第四日飲哂，之後軒軒就飲全日本水） 去程呢個喼放哂所有物品係11.1kg         最最最最最重要： 護照，身份證！！！！！（以防萬一我仲帶埋出世紙副本，當然係唔需要用到）     至於每日我同老公帶出街個袋，都會有以下物品： -護照，身份證 必定隨身攜帶啦 -紙巾 -一支水（我同老公飲），軒軒水樽，保温水壺 -一條毛巾仔 -各人嘅外套 -濕紙巾 -拉拉褲 -玩具（兩-三部車仔，一本貼紙書） -軒軒餐具 -即棄圍兜同餐枱墊 -一件飯衣 -餵奶巾 -一套替換衫褲 以上物品我同老公個袋一人袋啲，所以其實都唔重。有時我地會4-5點番去休息下，到夜晚再出去食飯時無咁多野帶，就只帶一個袋添都得。至於戰利品就可以放落bb車個籃，不過係日本搭巴士同jr特急我地都要收車，所以帶唔帶埋揹帶就大家再自行決定啦。     經過今次旅程，我同老公都覺得軒軒好似大個仔左，識嘅野多左，亦睇得出佢係好開心相信呢個旅程除左我同老公會有一個開心回憶外，軒軒都有 我同老公都開始諗緊小小b出世後，明年去邊旅行好             產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily