20190526 軒軒20m+懷孕29週     由於星期日出發，前一日星期六可以有好多時間俾我地慢慢執行李，我地歎埋下午茶先番屋企慢慢執 諗住軒軒早訓左晏覺，夜晚都可以早啲，點知由接近十點我同佢入房餵奶再哄訓，佢竟然成11：30先訓著（那來的精力？） 到佢訓左我同老公都訓啦，但...........輪到小小b係我個肚入面不停動黎動去........結果我只訓得2-3個鐘，仲要訓完好似無訓過咁 清晨5點就起身整野，我同老公搞掂就幫軒軒換埋片（順便叫醒佢）換埋衫，就等老公朋友黎車我地去機場。（軒軒一叫就醒，無嘈無扭，仲好精神，知道要出發去旅行咁）     大概早上6：45到左機場，check in無咩人，地勤人員有問我幾多週問我拎醫生紙（所以各準媽媽28週後要飛記緊一定一定一定要去私家拎！！！） 我明明一早打上去熱線幫軒軒 request咗兒童餐， check in時問多次confirm下， 點知地勤人員話見唔到有 咁冇辦法啦因為即時好難再request， 但佢都好好幫我即刻搞回程機個餐。 再同佢哋講bb車去到閘口先寄倉，會貼張紙同俾埋個大膠袋我地。至於座位我地一早係買機票時已經劃好埋。 搞掂哂去翠華食早餐     食飽飽入禁區，帶住bb可以行 禮遇通道， 完全唔使排隊，檢查隨身行李時記得同關員講啲水係for bb，檢查證件都記得要同小朋友一齊行有關員個啲 counter     例牌打下卡 我地劃位個時揀左第一行闊落少少，等軒軒都有個小小走動空間，但有小小不便就係隨身行李一定要放上去唔可以放腳下。 軒軒係飛機離開跑道前已經攪攪豬嚕 魚配薯蓉幾好味 食食下軒軒醒左，都訓左一個中，咁佢醒左就一齊食飛機餐。 食完再玩下車仔玩下貼紙書就開始降落。（當然有扭想行黎行去啦） 日本時間兩點到達     係福岡機場有三種方法出市區去博多 1）最簡單直接，一出到黎搭的士 2）國際線 一出到去搭巴士，好快幾個字到 3）去番國內線搭地下鐵 我地唔趕時間，又唔算拎住太重野，所以我地選擇嘗試下第三個方法----搭地下鐵 拎好哂行李後，我地係國際線搵 shuttle bus返國內線大樓 再係國內線大樓搭地下鐵空港線去博多站（我地大板張ic卡都可以係九洲用到黎搭車） 好多幾個站都唔使就到。     我哋今次喺agoda度book咗間 apartment，要先去佢 reception個度check in左先，然後再番去個棟大廈。 1700 先有房拎，1000 退房。 check out好簡單， 唔需要再返番去佢reception嗰度， 只需要將條門匙放落樓下信箱 其中一格就得。 我哋check in完慢慢行返去嗰度大廈拎鎖匙， 佢有張紙教我哋點樣打開個信箱拎， 條鎖匙就已經喺入面啦。 今次呢間apartment係我哋係出發前兩日先book， 因為本身一心諗住住酒店， 但張床實在唔夠我哋瞓， 所以最後揀咗呢間。 佢位置距離jr博多站都只係十分鐘，沿路都有幾間便利店， 有張 tatami 床墊可以畀老公鋪喺地下瞓，我地呢間如果住四個大人都可以，張床訓兩個，地下訓兩個， 價錢仲要超值， 我哋兩大一細住六晚＄2000都唔使 有埋洗衣粉一包 注意：無提供浴盆架，所以我地係煲熱左滾水倒落浴缸消毒清潔下，先再直接開水同軒軒沖 有個小露台 有齊微波爐，雪櫃（雪 雪糕唔太夠凍），明火煮食（但無煲），碗碟杯係上面櫃，有洗潔精，垃圾筒係雪櫃下面個櫃度   放低行裝之後就返返去博多jr站諗住買jr pass，點知條隊超級多人 於是我哋放棄決定夜晚返到去再睇下。點知夜晚都係咁多人   正式出發去第一站：博多運河城 我地間 apartment係jr博多口嘅筑紫口，去運河城嘅巴士係jr嘅博多口，咁我地就行番過去啦，去馬路個邊搵博多站前A個站，搭6號或者6-1號 第三個站一落就到，車費￥100。軒軒雖然訓左攪，但我地都有收車留番啲位俾人企。     周圍行下街食飯 好味的 sukiyaki 博多名物 牛腸鍋（我無試） 軒軒嘅兒童餐     夜晚嘅噴水池好靚     夜晚8點幾就搭番巴士番博多站買埋宵夜就回去休息嚕～             產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily