20190527 軒軒20m+懷孕29週     黎到day 2，今日天氣天陰陰，朝早7點幾起身，9點出發食早餐。係呢7日入面，呢間cafe係唯一一間見到個drink menu有鮮奶飲，但可惜我對於份早餐感覺麻麻     食飽再去博多站買jr pass ，太好了呢段時間終於小人啦，得幾個人排隊，拿拿臨填好張紙寫埋搭邊日邊班車mark埋指定席。我地買北九洲3days pass ，要三日連續使用架，可以搭十程指定席，價錢￥8500 一位，記得要show passport ！     買完pass就再去買啲野飲上jr食 我地今日去熊本 一落車係車站軒軒已經瘋狂尖叫啦     係站出面就好易會見到熊本市電，搭到去 市役所前站 落車，好快見到指示點去熊本城 先去櫻之小路，但原來個度好細架咋 熊本城我哋就冇上去啦，只係離遠望一望。     之後行過去 下通町 行街，好近架咋，所以無謂搭車，事關搭都係搭一個站 行到攰搵間餐廳食個下午茶，軒軒因為緊，所以我地可以舒舒服服慢慢食，食完坐左陣佢都未醒。 下通町盡頭係 辛島町站，我地就係呢度搭車番熊本站前。軒軒訓左攪嘅關係，我地無收車，好在都唔會太阻人。 係熊本站行下買下野，再買埋便當俾軒軒，就搭番jr番博多。（本身我地係mark左搭5點幾嘅車，但因為已經無野行，所以我地去 JR Centre轉搭4點左右嘅車）     番 apartment休息一下，夜晚係博多AMU商場食飯，9樓10樓都係食肆，今晚食 雞料理，間餐廳真係得雞食架咋，無牛個啲架。 叫左個 親子丼，同一個雞雜炊。 食飽照例買埋宵夜就番去沖涼休息 個咖喱味杯面老公話好好好好好食，個朱古力布甸都超好味，勁濃朱古力味           產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily