✿慶祝攣毛哥➐個月大✿ 想帶佢去玩又唔想去太遠擔心♥攪佢唔掂 話哂都第1次帶佢去旅行,去轉近近地試下水溫都好 所以去轉2日1夜澳門就岩哂我要求 ¡¡記得去前已經幫B申請好特區護照¡¡  。 到plan行程1定要緊記★★★1日唔好去太多景點, 否則只會玩殘自己★★★ 總之帶B去旅行無得好似以為前單身去旅行甘free由朝搏殺到食埋宵夜先拾捨得番酒店 。 入住酒店⚑⚑⚑永利王宮⚑⚑⚑好值得推介 ♥預先通知需要嬰兒用品,酒店會安排好:嬰兒床床圍床笠被仔+浴盆+嬰兒沐浴洗髮潤膚爽身粉+沖涼玩具+highchair+暖奶器(Philips Avent)+奶瓶蒸氣消毒機(Philips Avent)+竟然仲有黐角服務好細心呢!!! ♥間房好好好大, 洗手間都好好好大, 馬桶位係獨立有門的, 所以我同攣毛係洗手間沖涼爸爸都可以照去大解 ♥酒店有免費纜車+吸晴音樂噴泉(夠多地方同攣毛影相) ♥酒店自助餐好吸引,選擇多又野食又夠特別, 淨係雪糕都有成8款選擇OMG 。 簡單分享下行程先: ⒹⒶⓎ ➊ 落船到達澳門➳坐酒店巴到永利王宮酒店➳寄存好行李➳酒店內中菜廳-永利宮(貪可以舒舒服服食飽飽*他他條條攪checkin, 有dree code)➳Checkin(記得申請late checkout)➳上房(服侍攣毛哥1輪)➳大三巴觀光影相➳新益美食晚餐➳酒店內影相睇音樂噴泉 ⒹⒶⓎ ➋ 新好利美食餅店早餐➳步行去龍環葡韻影相➳熊貓葡國餐廳(樣樣都好好食*炸馬介休正)➳官也街行下➳永利王宮自助晚餐(對住個大大塊落地玻璃睇住音樂噴泉黎食)➳拎行李準備坐船番香港 看似簡簡單單, 其實已經好充實好忙碌, 總算順利完成今次旅程 。 再分享下2日1夜攣毛哥的裝備: 沖涼野:沖涼洗頭液+沖涼紗巾+大毛巾+清潔口腔濕紙巾+patpat濕紙巾+潤膚液+尿墊+尿片+凡士林+睡衣 床舖野:防水尿墊+床笠+枕頭巾+被仔+消毒噴噴+清潔毛巾+陪瞓玩具 換片野:尿墊+尿片+細凡士林+patpat濕紙巾+膠袋仔+後備衫x1+消毒噴噴 必需野:尿片x20+去街衫x3套+後備衫褲x2套+薄外套+襪仔+背汗巾x2+紗巾x5+口水堅x5+玩具+咬牙玩具膠+密 實袋配毛巾仔(隨時抹汗)+BB車+遮風擋雨擋太陽傘, 退燒藥, 出牙止痛膏, 風扇仔, 太陽眼鏡, 餵奶巾, 餐具, 証件 。 我都幾奄尖又怕污糟, 所以床舖毛巾1定用自己野, 特別攣毛哥仲細都係穩陣D好 希望媽媽們都順順利利 開開心心 平平安安 帶住寶寶大步出走去旅行 。 P.S. 個人太愛食野, 好多時都掛住野, 食完先記得冇影相, 請多多包容 ° ° Instagram:sifienwilfred Facebook:我愛攣毛哥