有睇我之前文章既朋友都知道... Hey 魚足月出世,只有2.48kg...???? 再收水得番2.24kg... 佢細粒到連個頭圍都細人地幾cm個隻... 所以醫生話佢唔係細碼..係加細碼.. 番到屋企就係戰爭既開始..  魚媽努力希望全母乳.. 用左好多方法追奶.. 可以睇番我之前既分享文章♡ 因為魚B生長線一直都係3%... 頭一個月番健康院都好密.. 到左2個月大左右... 有一日佢竟然13個鐘唔肯飲奶.. 魚媽崩潰了...咁快厭奶... 最後採取第2個方法就係...睡奶.. 好不容易生長線上到3%多少少... 又到左加固期( 觀察咗佢各方面都適合加固，所以5個月就開始食下米糊)... 加固期初頭係超級沮喪.. 除咗最愛南瓜蓉同蘋果麥糊之外... 成日都唔太食我煮既野... (可能魚媽煮野太難食)???? 就係咁魚媽不停試唔同既食材配搭.. 揀佢鍾意既南瓜去配d肉,菜... 係7個月大成功加固代到一餐... 再左第8個月隔日就代兩餐 (其中一餐會比奶糊加肉同菜)... 之後既日子耐唔時就唔食野... 或者食幾啖就唔肯食... 我就開始試下煮唔同嘅野.. 上網搵食譜..再改良下.. 每餐都會計下肉既份量.. 粉麵..薯蓉..飯...一日2餐固輪流煮... 保持新鮮感.... 到魚B 12個月大.. 再番健康院follow up生長線... 一磅完抱番bb.. 姑娘好開心咁同我講.. 好好呀！bb體重生長線已經上到25%啦～ 身高增長就更好...係50 %啦～ 我都無諗過原來不經不覺... 佢已經唔再係3% bb... 見醫生既時候.. 醫生話媽媽同bb好好成績... 真係想喊出黎.. 呢半年既加固由佢唔肯食野.. 不停鑽研唔同嘅食材同煮法令到佢肯食... 真係我全副心血... (加上魚媽係唔識煮飯，加固更無從入手) 到左12個月大之後.. 可以用下天然食材調味(少量蒜，麻油等等) 咁煮出黎有d香味就易d吸引到BB食野.. 依家魚B已經16個月大啦～ 雖然有時會扭計食得好慢... 最近去醫生到磅重度高... 體重大約50線..身高大約75線.. 見到佢食得好瞓得好發展得好... 係媽媽覺得最安慰既事... 我都入左好多唔同既加固群組問意見.. 都知道好多BB都有唔肯食野既問題... 每個bb都唔一樣.. 有d bb食極都係3%.. 有d bb 食好少... 媽媽為加固好煩惱... 不妨多啲試下唔同嘅煮法.. 唔同既食材配搭吸引bb.. 相信bb愈大加固路會好d.. 其實最緊要bb健康發展呀...♡ 聯絡我或產品試用:RUBY.1125@HOTMAIL.COM Ohpama http://www.ohpama.com/specialists/heyfish/ Facebook(hey魚b之日常)​​​​​​​ https://www.facebook.com/haileybabywhy/ 媽咪幫mamibuy https://mamibuy.com.hk/home/11104 Mamidaily親子日常 https://mamidaily.com/author/rubylau?type=bloggers 媽咪幫mamibuy https://mamibuy.com.hk/home/11104 Mamidaily親子日常 https://mamidaily.com/author/rubylau?type=bloggers Esdlife https://wow.esdlife.com/space.php?uid=26783