20190529 軒軒20m+懷孕29週     今日9點出門食早餐。 Day 2 劃左位今日去小倉，其實我地係去門司港，不過北九洲3days pass係唔包特急去門司港個站，所以去到小倉要再轉普通車去門司港站。 車站入面嘅幸福之鐘     門司港都算有外國風情嘅感覺       我地係車站附近個碼頭搭船去下關，四個字有一班船。今次旅程海陸空搭齊哂 好快二個字後已經落船。     我地大概12點左右去到唐戶市場，但已經啲鋪頭關哂了，剩番一間食 迴轉壽司，但門口超多人等位，所以都放棄，最後係碼頭附近搵左間都係有魚生壽司食嘅餐廳，呢間餐廳仲有 天婦羅定食，同埋兒童餐有兩款揀，咁軒軒同我都有熟食，老公就可以食魚生滿足下 兒童餐有兩款揀，一款咖喱飯，一款係 三文魚子飯，軒軒仲細所以唔俾佢食三文魚子住，咁就食咖喱飯，唔辣架。 壽司同魚生飯啲魚生由老公品嘗哂，我只能得個睇字     食飽飽行陣買杯雪糕，唔記得300定400￥， 可以揀三種水果然後mix埋一齊，軒軒都第一次食左幾啖     咁就搭番船番門司港，軒軒其中一個行程： 九州鐵道紀念館 門口有啲火車可以影相 上斜路行到去上面，見到有個地方可以玩駕駛小火車， 不過好快就玩完一圈嚕 入埋室內參觀， 紀念品店一定有。 仲有個小小地區畀啲小朋友除鞋入去玩，軒軒都入去玩左接近半小時。     之後行過隔離好近就到 海峽廣場，去手信店 選購下 跟住 我哋就結束門司港行程， 搭返車返去小倉站， 再係小倉站搭jr 番博多。     返到博多直接行陣街跟住就搵咗間咖哩蛋包飯食晚餐     食飽去玩下夾公仔，再買埋宵夜，9點幾番去休息～           產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily