當我幫換片片時發現蚊蚊便便有血, 而且帶有黏液, 我同蚊爹即刻帶佢去睇醫生, 醫生話咁細個bb好少會病, 通常得兩個原因會去睇醫生, 第一就係有濕疹, 第二就係腸胃炎。。 經醫生診斷後, 佢話蚊蚊嘅症狀, 係腸胃炎。。 因為佢啲便便水狀、有顆粒、有黏液、有血同埋有綠色嘅膽汁分泌, 我係餵緊全人奶, 所以醫生叫我唔好食有蛋類嘅食物, 因為腸胃炎其中一個原因有機會係有乳糖敏感症, 所以要轉食能恩AL 110奶粉, 每日只可以飲一至兩餐人奶, 我哋亦都拎咗啲便便去種菌, 因為醫生話佢個症狀應該係沙門氏菌, 報告要三日後先出, 希望唔係沙門氏菌啦,如果係就要入醫院了。。 最後醫生開咗益生菌同止呵藥, 第一次用針筒餵佢, 蚊蚊真係唔識吞, 不斷咁bu發出嚟... 不過佢最尾都好乖慢慢吞吞返晒! 結論:原來BB嘅便便真係可以反映到佢嘅健康程度,所以見到便便又唔正常就唔好等啦,要去睇醫生啦!