暑期就快到，大家係咪仲諗緊點安排小朋友活動？ 湜澄媽之前同李澄去咗馬灣嘅 #太陽館 參加 #STEAM日營體驗，覺得好值得推介俾大家！ 當日，導師首先大慨講解 STEAM 係乜 STEAM = Science 科學 ＋ Technology 技術 ＋ Engineering 工程 ＋Art 藝術 ＋Mathematics 數學 嘅跨學科教學方法。湜澄媽覺得呢個理念好好，因為佢鼓勵小朋友 #親身體驗，#Trial_and_Error，#了解失敗 原因，再 #修正再試。湜澄媽作為一個曾經嘅程序員，覺得如果可以由零變有，有但錯，錯再變得咗，係會有好大滿足感。 然後，是日重點‼️ #做實驗 ‼️ 透過有趣嘅科學實驗，建立小朋友嘅科學同邏輯思維， 導師安排嘅實驗連2歲半嘅李澄都玩到，我地試咗3個 ： >> #自制彩虹：將唔同密度液體倒埋，就會整出一層層彩虹，李澄整咗簡易版，有黃色透明綠色 >> #幻彩牛奶：將顏色滴喺奶上面，先畫一幅靚畫，再滴洗潔精，就會見到...  >> #開花實驗：將剪成花花形嘅紙按同一方向將花瓣向入摺，再輕輕放上水面，神奇嘅事就會發生。不過，我地放得太大力，所以第一次失敗咗，但再接再厲，第二次成功少少 .. 但材料只係水同紙，大家喺屋企都可以試！ >> 暑假嘅正式日營 #仲有其他唔同嘅實驗，例如：極速火箭，指模破案，顏色競賽，聽個名已經覺得好想玩   ! 日營下午部分，就係爸媽同小朋友一齊 #Treasure_Hunt，務求放盡所有能量~~~~ 太陽館仲有好多大大少少介紹天文、科學、技術嘅展品，仲有部跳舞機. 俾小朋友體驗科技與游戲嘅關係！ #係咪好吸引？ #係咪好想去？ ~~~~~~~~~~~~ #暑期日營活動資料 ~~~~~~~~~~ >>適合 K1-K3嘅小朋友 >>地點：香港馬灣體育路14號太陽館 （好方便，喺好多地方都有15分鐘直達馬灣嘅巴士，我地喺青衣站轉 NR330 巴士去，真係10分鐘就到，班次都好密；港島區朋友中環坐25分鐘船就到） >>http://www.solartower.com.hk/zh-hant/node/320 ☎️8201 1122   ~~~~~~~~~~~~~~~~~~~~~~~~~~~~~~~~~~~ 謝謝太陽館送出6張課程優惠券，可以8折參加日營，一張可以俾4位用，詳情請睇相片。 請去澄兄湜弟 facebook page 參加抽獎:)     = = = = = = = = = = = = = = = = = = = = = = = = = = = = = = = =  ✽ 歡迎追蹤我更多育兒生活分享  - 澄兄湜弟 Facebook專頁:  澄兄湜弟 Instagram: @desiree_dumbo   歡迎聯絡我地 / 合作邀稿: desireeyi@gmail.com