上星期踏入week 7 果日. 因為食幾粒青提.  突然D口水好似決堤咁山洪暴發.. 每分鐘都有好多口水分泌出黎, 唔吞得咁多, 就要 Lur 出黎 真係時時刻刻都要lur..每分鐘都要. 大少俾左個膠樽我, 就帶係身邊, 係屋企係咁..出街都係.. 連好想瞓都瞓唔到. 因為D口水就係太多, 要不停lur....   果晚上左媽媽度食飯. 一入門口見到醫院信, 仲吸左個婦產科印仔 @.@ 同大少對望, 心諗: 下? 佢地知道左喇? 唔surprise 囉? 我坐左5分鐘, 抖順左條氣..就封用信帶出個話題, 佢地以為我去做 body check 我話唔係呀, 之後拎張超聲波相俾佢地睇,  媽媽係我預期中眼濕濕..好開心. 爸B就含蓄D, 係咁笑 之後就不停講, 唔好做乜乜乜, 唔好食乜乜乜......ahahahaha 不過果晚我都係不停拎住個樽 lur 口水....媽媽見到都話鄧我辛苦.... 建議我去睇中醫 (個中醫睇開既)   第二日, 我頂唔住, 一瞓醒又開始lur口水... 我同大少 book左中醫去睇. 同埋話佢知呢個消息. 佢話我個人太濕, 胃寒, 所以會咁. 會幫我處理左口水既問題, 之後安胎.. 當晚去大少屋企食飯. 完全無胃口....不過食左一劑藥, 口水情況好左.  大少晚上同99係房講呢件好消息. 佢話99只係笑左一笑, 話唔好同人講住. 就無喇. 99之後出廳 講其他野都無再提.. 大少有少少唔開心. 因為覺得我地BB唔係佢家中第一個BB, 所以99無反應.  同我屋企果邊既反應有好大對比. (我媽媽好開心, 好緊張)..大少有D失落. 我答佢唔緊要. 係未消化到姐. 大家都會好錫佢. 同埋BB對我地黎講係最重要最開心既事. 唔使理咁多.   由果日睇完中醫開始食中藥, 我既精神明顯好多好左, 胃口亦好左. 口水又少左.. touchwood!! 連D同事都話我似返個人 (佢地都唔知咩事, 以為我腸胃炎) 希望keep住啦!!