黎到week 13, 即係可以同人開心share 既日子喇!! 2月15日, 同媽媽早上去左醫院做Oscar. 早2日都有見過BB, 不過見多幾次都開心既~ 又見到佢手仔腳仔郁郁下, 好活潑~ 姑娘其實都好好人, 開始照果時都話等佢度曬要度既野先, 再慢慢講BB宜家既情況. 介紹下頭仔, 身體, 手手腳腳. 度出黎係正常範圍, 再去配合埋抽血 + 我既年齡 = 醫院覺得BB既風險程度喇. 當我係D房出出入入, 度高, 磅重, check小便, 量血壓, 照Oscar, 抽血之際.. 媽媽就係人地個講座小corner聽人地講下生既時候醫院點配合, 幾時有skin touch, 點餵奶等等..(無限loop) 佢好好學架, 又有野問. 2個姑娘都話佢係好學生, 會發問.  其他一齊聽既新手媽媽唔知要問咩, 佢係度有經過就知要問D咩..幾好~ 如果同大少黎, 我同佢都係兩舊飯咁聽人講.......   晚上約左好朋友食飯, 同朋友講呢個好消息. 可能就係咁坐左風口位吹一吹... 第二晚喉嚨痛..上99度食飯又飲左雞湯. 當晚就黎料喇!! 一返到屋企沖熱水涼, 沖極個人都唔暖就知瀨野. 瞓到半夜2點幾, 個人係慶到手板腳板都熱曬. 叫醒大少話佢知我發燒, 幫我針水. 佢成個嚇醒左. 想幫我搵藥食, 但又唔知食唔食得.. 所以最後我只係飲左暖水就算. 一check體溫: 38.3度. 係輕燒, 但個人已發滾. 好想痴住wall, 等自己散熱.. 之後去到6-7am 我feel 到自己出左成身汗. 個人唔慶喇. 之後就無再燒. 不過就呆下呆下..好攰...喉嚨仲係痛 上網睇到可以食龍角散, 就食左包....當晚仲要同大少去佢家族團拜.... 星期一, SL左一日. 因為真係仲係好攰. 下午去左睇醫生. 藥就攞左, 但見開始好D, 就唔食喇...鎮宅啦   其實自己真係幾擔心發燒會影響左BB, 因為我燒, 佢仲熱..... 希望唔好再病喇...   另外, 爸爸媽媽都迫不及待同2邊家人報喜. 哈哈~ 見到佢地咁開心, 我地都好開心