呢個星期好2日, 咳2日咁啦. keep住食中藥. 希望快D好返.   胃口方面都好左. 不過我以前最愛既魚都係未食到.. 媽媽試左煲番茄豆腐魚湯. 我以前既飛佛. 又OK wor.. 飲到呀!! 好野!! 口味就有好明顥既變左. 好似剛剛講既魚啦.  仲有早2日係公司食左一包旺旺仙貝. 以前覺得係勁好食. 宜家食覺得個味好奇怪, 又甜又咸..唔中意食. 哈哈~ 不過就好中意食紫菜, 先驚覺原來四州紫菜一包得返3塊........好搵笨... 大少不停叫我試下食下榴槤/蜜瓜呢D我以前唔食既野. 我真係反曬白眼. 點解要試同食呢? 唔食都唔係咩損失丫. 佢一直都好期待有一日我會食呢D  (係, 佢係一直好想迫我接受. 同佢阿媽一樣成日迫人食D佢覺得好好食既野, 唔食就係唔嘗試唔俾面) 但唔食就係唔食. 問得多我仲反感. 偏唔食呀~~~   上星期五, 媽媽追問我nifty pro個報告如何? 我答佢一切正常, 佢再追問知唔知係仔/女? 本來我打算聽下D人估下先開估. 唔問我又唔會講. 點知佢問wor 咁我咪話我知呀. 你估下啦. 佢估中左既~係 baby boy~ 話我好唔同佢講, 等佢囉囉lun.. 佢仲話細佬一早話我生既係仔, 因為我唔似會生女既人wor   呢個星期3月5日又有得產檢喇! 今次係第一次見醫生. (之前都係見姑娘) 真係好期待, 由其病完之後, 我怕影響到BB. 今次又拉埋媽媽去啦~ 去醫院做左幾樣例牌野先後, 姑娘話我輕左0.1kg 咁少, 醫生當然唔理啦.    到等到入去見醫生, 叫我訓上床, 解bra, 解褲頭. 我心諗有得照咁好? 原來係用照聲波聽BB心跳.同觸診按下乳房有無特別野. 由訓上床果一刻, 觸診, 搽gel, 聽心跳, 落床. 2分鐘都唔知有無. 由其聽BB心跳真係5-10秒, 就話呢個係BB心跳喇. 都算正常既. 之後就問有無問題, 我話我自己個心跳就久不久覺得好重&快. 醫生話係正常, 不過可以安排我立即照心電圖check下有無異樣. 我當然知呢個moment 無啦. 因為通常都係好突然. 例如返返下工/訓係床又未訓著既時候. 咁照心電圖無事之後就去窗口排期下次去健康院產檢+返醫院飲糖水   排到我, 姑娘話有期24 weeks 飲糖水, 但健康院未有期. 叫我坐下等叫名. 咁又坐下啦. 點知5分鐘後叫咪叫我入房, 唔係返去窗口. 原來有個助產士問我想唔想join佢地助產士小組. 咁就由下次開始唔使返健康院產檢. 照返醫院, 不過就由助產士幫我做. 正常檢查一樣會做. 如果有咩問題可以立即轉返去睇醫生. 又有啲班俾小組入面嘅準媽媽參加，例如按摩班，等老公知道到時點幫你舒緩痛. 我好樂意加入. 因為我始終覺得健康院做產檢好hea. 同埋有助產士跟進, 有親切感D 因為到時係佢地接生架嘛. 不過果位助產士都好坦白,  話助產士小組入面唔係個個都係負責產房既. 有D係產前/產後房. 到時如果佢地on duty, 又知道我入左院, 就會黎睇下我同探我, 教我餵B咁啦~ Confirm 左join之後, 我問返助產士朋友, 佢話要被選中先入到group. 都幾好架. 佢地會比較詳細跟進, 唔會好似醫生 / 健康院姑娘咁趕. 仲可以share 多D知識. 最後排完期就走得喇. 又要6星期之後先黎lu~   搞掂都3點幾. 同媽媽去APM食左M記下午茶. 就去左睇BB開倉, 希望有平野. 點知去到要等果個人開門, 因為佢落左街 係工廈入面又焗又唔通風...等左15分鐘, 終於開門.. 我開頭先無咩期望. 但咁都俾我地揀到D衫仔. 係幾抵既, 有D初生都係$8件. 咁我地都忍唔住買左幾件, 同D紗巾. 第一次買BB野~ Happy~~