上星期 4月11 日, 去左王紹宏醫生度照結構.  果日同大少專登攞假上去. 大少仲一早去左拜山先, 11點先再約埋一齊去睇醫生. 所以佢好攰呢~ 約左11點30, 但11點15收到診所電話, 話醫生之前既booking睇耐左, 所以叫我唔使咁早上去, 12點30先啦.  咁我就同大少係大快活坐下先喇. 我仲叫左杯好好好好耐無飲既熱華田!! 正到呢~~~~~~   12點30, 準時上到去.  之前係無睇開佢既. 所以填下form 睇下資料, 大概1點先入去. 先係問左有無咩唔舒服, 之後睇BB. 佢呢間D jelly 係暖架  醫生一黎就話: E? 你有個肌瘤wor.  其實媽咪之前都提我要問. 我都未講, 醫生就講左喇. 立即問下個size啦. 佢話唔係好大姐, 好似粒湯丸咁. 唔使擔心.  湯丸wor!! 唔擔心...就假..下星期去返醫院同助產士講先. 之後佢就照曬頭, 身, 手, 腳, 脊椎. 數下手指, 腳指. 所有野阿B都好正常. 長度就大概14cm , 醫生話一罐可樂咁上下啦~ 最後佢就話阿B好迫. 我子宮有收縮令佢好迫. 但我其實 feel唔到... 令佢睇唔清阿B正面.. 佢問我係唔係急小便, 不如去一去啦. 其實我唔急...所以去左都無咩柯.. 入去再照, 佢都係話好迫, 好似9點坐地鐵咁. (哈~ 其實佢都幾幽默) 問我餓唔餓. 都2點幾. 我話唔算太餓, 不過可以食. 佢就叫我地落街食少少野. 同千萬唔好摸個肚!! 咁我地就落去食啦. 我突然好想食雞蛋仔, 千揀萬揀..買左間勁難食 再整多串燒賣先再上去照.....都仲係好迫.... 但都影到幾張正面既. 有時食手指, 有時Q腳. 醫生話有可能係肌瘤令子宮收縮, 又有可能係個人太攰... 咁搞下搞下...其實都3點幾. 又真係幾攰.... 所以醫生建議我再約下星期一返去照多次. 要休息多D, weekend 瞓下.  睇下有無改善.   成個weekend 遇上大少要返工. 我自己係屋企. 唔係攤sofa 就係攤床. 自己一個好悶呀.....   到左星期一, 因為book唔到上午, 就唯有放下午2點去照. 醫生話今次好D喇, 雖然都係無乜位, 不過叫做無咁迫. 可以睇到多D樣同耳仔. 所以最後都係果句: 休息多D.   照完結構, 總算過多一關喇~