Week21: 4月16日, 相隔6星期後第一次返醫院. 今次係去見助產士. 約左10點, 行例度高磅重驗小便後...等下等下, 10點50分先入去. 姑娘見我今次重左3KG..問我: 胃口係咪有返呢? 之後上床聽心跳, 佢先聽我既心跳, 之後碌碌下驪BB既. 我話分唔清.. 佢再想俾我聽多次我既心跳. 點知佢話BB太活躍同澎湃, 已經遮左我既心跳Lu    之後佢問我大少會唔會陪產, 我話會. 問下佢有無腰骨痛同濕疹. 我都答無. 我就有. 助試士話有個產前運動班. 問我有無興趣join. 佢寫紙俾我去. 跟住就話有個按摩班, 36W之後先可以參加, 佢一睇發現無期, 要我39w先有. 佢話可能你都生左lu~ 不過唔緊要啦. 照落名. 到時同老公一齊去.   講完曬, 我就俾結構D資料佢, 話醫生話我有子宮肌瘤, 同有宮縮令子宮好迫, 迫到BB. 佢話 refer 我2星期後見醫生, 睇下醫生點講.   其他一切都正常~~   Week22-23: 話說早2星期去見助產士, 同佢講左王醫生話我有肌瘤同名B好迫. 佢就幫我約左期4月29日上午返去見醫生. 大少都請左日假陪我, 之後我要返工, 佢仲煮左晚飯添~~ 果朝我地食左個麥記早餐, 先去搭巴士. 約左10點30. 我地10點15分去到已經好多人.  今日又有姑娘擺攤位講講座. 大少自己行去搵左個近近地既位聽. 我就去登記, 度高磅重.........之類既工作. 等呀等..........我望一望個肚, 突然feel到阿B郁. 係肚皮上滑過~ 好開心呀!! 係第一次坐係度都feel到佢. 證明有大少係身邊, 我好放鬆呢~ 等到11點15分, 終於叫名入房!. 我自己入. 大少無入, 繼續聽. 我"稍"到佢有make note    入到房醫生問有無帶份報告? 我俾左佢之後就上床聽心跳.. 搵左一陣佢搵到BB心跳喇~ 聽左10秒話BB心跳好好. 之後我又落返床...我係有D suprise . 佢唔係應該都照下我係唔係真係子宮好迫, 同粒肌瘤位置咩? 但佢係乜!都!無!做!過!!! 佢: 照結構醫生無寫你子宮好迫噃. 你粒肌瘤得1cm (正確係1.8cm) 咁細, 無可能有引起宮縮. 我: 個醫生真係咁講, 佢亦要求我照2次. 佢: 咁照左未丫? 佢點講? 我: 照左啦. 好迫囉. 好似9點地鐵咁迫. 佢怕我會早產. 佢: 唔會啦!  你有無唔舒服丫? 無就無事架喇. 出去約期啦   就係咁...我就入左房5分鐘 (都唔知有無, 大少坐出面都問我點解咁快出黎), 咩都無做過.. 個醫生仲要成日講野反白眼. 好似我呃佢咁. 所以都係果句: 有能力既, 都係私家, 公立2邊睇好D. 本身打算搵返王醫生跟進, 但原來佢過左24週唔睇架喇... 所以我下次產檢搵返方醫生Lu~   另外, 呢2星期個肚都開始見人喇. 不過唔算好大. 食野方面基本胃口都幾好. 水都飲到~