5月3日星期五. 24w 好友XX黎HK, 同佢同班舊同學食飯. 點知佢個傻人留左2部電話係的士. 搞到我要去TST警署搵佢. 陪佢落口供. 搞搞下成9點先有飯食. 11點先食甜品 + CC 生日蛋糕..... 12點幾先返到屋企. 拿拿聲沖涼訓覺.....   5月4日星期六. 24w1d 晨早8點15分返聯合做糖水測試, 首先入去等候室等抽血. 抽完第一次, 姑娘會紀錄時間, 去拎杯糖水飲. 真係幾甜, 少少杰.... 飲飲下會有D拿喉. 但姑娘提醒唔好嘔, 嘔左要再約期... 之後就要出去等2小時. 好在大少陪我. 2個人坐係門口等.......... 期間唔食得野, 只可以飲少少水. 不過都飲唔落. 因為好想gur氣, 但gur 唔出. 2小時後我就要返入房抽多次血. 之後就走得喇. 抽完血10點45. 大少獎我食麥記著餅. 急急腳又好好彩咁趕上巴士. 仲係10點59分44秒入到單!!! 真係 sooooo Lucky!! 之後我地又突然買左飛睇 11點50既 End Game~ 真係perfect timing !!   但 lucky 唔會好耐.... 5月8日星期工. 24w5d 係conference room 等緊開會, 收到醫院電話, 叫我見營養師, 仲可能要留一日院監測血糖. 我真係晴天pigpig呀!!!!!! 點解會中架?! 個人好灰呀. 無咩心機..... 宜家只可以等5月24日返醫院再睇.......... 唉..........