話咁快就黎到第6個月既大肚婆生活. 阿B宜家活躍左, 我既胃口亦好左好多好多... 成日都想食野....但自己知自己事啦...唔好食太多, 費事增重太多... 同埋, 妊娠糖尿單野未完..所以都係要節制一下.. 不過人地話大肚婆唔com餓係真..因為一餓就好想食野, 係立即食!! 加上食餅 / 食包已經好似滿足唔到我喇.....唉......   week 25 25w6d 我同大少去左上產前運動班. 係聯合醫院搞既. 不過要去到觀塘容鳳書上堂. 8點半-10點. 分2堂. 今次係第一堂. 教一D運動動作可減輕唔舒服. 同埋可以試同學玩fitball.    因為當日我係拎0.5日AL, 上完堂唔想返工住. 大少就陪我去食麥記早餐 hea下. 再慢慢返工. 大少就拎全日, 所以佢去左hair cut + 買餸煮飯~~   week 26 26wd1 當日同大少都請左假, 10點去食左個麥記早餐, 就去卓越搵方醫生睇BB. 佢真係好好笑容同好溫柔. 問我出去照結構照成點. 我講左肌瘤問題同埋王醫生話BB好迫. 佢再幫我睇, 之後就話無事..2cm唔算大既. 同埋BB無迫呀. 希望係啦~ 本來想睇下阿B宜家咩樣, 點知佢個頭仔dup低左, 照得唔清楚. 反而D手手腳腳就仲曬出黎俾我地睇. 臭B丫~ 咁唯有下次再睇啦~ 不過大少下之就無得陪我Lu, 除非係星期六. 因為佢要轉工喇.   我地之後去左海運本來想去龍貓間店睇野, 原來執左.. 之後想食野, 本來等溫野菜, 但實在太多人....之後想起一蘭, 就打算行去.. 行過 Kisses 間 Cup cake, 大少好極力推薦話好好食. 我本身對cup cake 無咩特別喜好, 但都試下啦. 又真係好多食噃~ 之後行去sogo, 去左佢地個超市食墨魚波波~ 食完就遂層行, 因為 thankful, 多人到呢........亦發現TST sogo原來好細.. 行左幾層唔掂喇, 就走返出去...去食一蘭.. 哈哈~~ 就係不停食野.. 可能係平日下午, 一蘭完全唔使等位, 不過真係無日本咁好味. 個湯都係差少少.. 飽曬就返德福. 大少想聽完尋日個運動堂, 知我心跳唔可以過140,  加上爸B同老友TIM都用緊Huawai手錶, 佢就心思思想買2隻. 咁我就無啦啦有份禮物喇~~~   返到屋企4點, 2個人好似無左電一樣. 一攤係床就瞓左... 仲瞓到7點先起身