5月24日 27w 當日9點約左見營養師. 大少同我一齊去. 去到P座 登記, 入大房, 磅重. 之後有姑娘問我一日三餐食D乜, 中間有無零食小食.. 問曬幾個媽媽之後, 跟住就睇video, 講解下咩係妊娠糖尿. 之後營養師就逐個見. 逐個安排宜家既餐單, 同入院當日餐單. 跟據返我上次既糖水, 我係 5.1 / 9.1 係超左標.... 都係前一晚啦!! 營養師話因為我空腹高, 所以飲完先會高.. 我亦同佢講, 我自己係屋企拮手指, 餐後係5.8, 佢話咁係糖水前一晚好夜食都有影響!! 唉........ 佢叫我少食多餐. 早午晚餐中間要食小食, 什至晚餐至瞓覺中間都要食 (呢樣真係好顛). 但好彩佢其實會俾個建議你, 有alternative 既, 可以用乜乜代替乜乜... 不過係咁聽佢講點為知一份炭水化合物, 要食幾多...blablabla...個人都亂曬. 我自己就覺得聽完成個人會好緊張.好 down. 好彩大少同我一齊去. 佢叫我唔好理太多. 宜家食既野, 份量減少就可以. 同埋做下運動. 咁就會無事. 唔好有太大壓力..跟得太足佢個餐單, 真係好想喊同有抑鬱... 最後因為我下個月約左期入院一日食醫院餐, 佢話如果果日合格就唔使再見佢. 仲俾個tips 我, 果日係醫院雖然有床, 不過唔好成日訓/坐, 盡力行下. 行得幾多得幾多. 因為行會消化糖份. (當然佢都鼓勵我平日食完飯要行) 5月28日 27w4d 當日一田VIP day  既最後一日, 本來都唔打算去. 因為一家好多人. 但媽媽 group 話TT奶袋好平, 買一送一,  咁就吸引左我去睇下啦 當然買左啦. 另外仲買左乳墊. 雖然唔知自己奶量. 不過點都買定要用既. 問左朋友, 佢唔推薦Nuk..     所以我最後買左 Pigeon