細蚊由半歲開始便有食奶嘴既習慣，依賴情度相當高，好多時候都要含住個奶嘴訓天光，試過好多次趁佢瞓著覺偷偷拎走佢個奶嘴， 點知佢都係要彈起身搵返。 一直都好擔心佢會唔會食奶嘴食到上小學， 上網搵咗好多偏方例如辣椒油豉油白花油wasabi.....(但一直遲遲沒有執行) 直至細蚊兩歲生日前一個星期病毒感染燒咗幾日， 發燒嗰幾晚細蚊瞓得好差，好易醒同好扭計， 為咗安撫佢我就慣常比個奶嘴佢食住瞓， 唔知係咪因為佢太唔舒服 ，佢開始搵個奶嘴發洩 ，有用牙咬又扯， 咬到爛曬， 佢就攞住個奶嘴同我講話污糟糟， 我心諗你咬爛咗咪唔使食囉， 雖然屋企長期有後備奶咀 ，但係咁好嘅機會我當然打蛇隨棍上，同佢講奶嘴已經污糟咗，唔食得，食咗會肚痛， 媽咪而家要掉咗佢，點知佢好爽快咁話“好”，就係咁我就喺佢面前掉咗佢最心愛嘅奶嘴。 之後果幾晚時不時佢會突然醒起話要奶嘴，我就提醒佢話奶嘴污糟糟，媽媽已經掉咗， 佢好似有啲失落， 但轉個頭就訓着覺，可以話成功戒左奶嘴。 #戒奶嘴 #按撫神器 #兩歲生日戒奶嘴給媽媽最好的禮物 =============================================== https://www.facebook.com/girlsofR 聯絡電郵： kaseychow405@gmail.com