6月24日 星期一 31w4d 果日返醫院產檢, 今次好正, 安排到11點. 等我可以係屋企瞓晏D, 同埋食個早餐(方包+jam~~)先出門口. 不過其實宜家覺得好醒瞓, 朝早好易醒. 大少起身我基本上都跟住醒.   去到都係果D啦, 度高磅重量血壓. 我竟然對比上一個月只係重左1kg喳! **由有左到宜家暫時共重左7 kg** 其實我平時都好易口痕食野丫~ 之後又等呀等.....等左1個小時終於入去見醫生喇. 今次呢個醫生好開朗, 幾好傾. 磅重個姑娘手字咁岩寫得衰, 嚇到佢以為我1個月增重左6kg XD 之後仲話我知我10/6 果次住院 pass 左血糖喇!! 問我有無跟餐單, 我話有呀! (其實我無咩介到口, 亦無跟得好足) 好明顯係我上次飲糖水前一日食太夜啦......唉....... 之後佢度肚同聽下BB心跳, 今次耐D. 仲問我聽唔聽到. 之後話BB心跳正常. Good!! 本來我覺得BB果朝好似郁少左, 都有DD擔心.. 但醫生話佢心跳正常, 下午又郁返正常. 就OK啦. 我又同醫生講, 30w 果日去私家, 佢照到BB個頭仔大左2w. 醫生話都唔使擔心, 如果細左就驚D. 大左只係到時可能難生D 姐... 哈哈...同埋呢幾個星期都有機會, 會再有唔同. 都係可以睇定D先.   最後就話, 咁由下次開始就要2星期檢查一次喇. 我內心好興奮. 因為覺得到左第三個階段喇!! 好似終點在望, 好快見到BB喇~ 下次期係34w早上, 而私家之前就約左係下午. 到時睇下大少陪唔陪到去睇BB啦