本人一直秉承與時並進嘅營業理念 同小主行BLW是走在時代尖端嘅證明 對於呢個新時代嘅育兒新知 本老母有以下嘅見解： 開始嘅時候，有一件事必須要做好： 就係相信 而最重要 係相信小主做得到 呢一點好重要 因為佢地一定會做得到 只要你相信 你就會放膽俾佢去試 開始時 佢可能會扔哂所有食物落地 又或者會食一啖 然後 扔哂落地 唔好灰心 相信 到佢開始識食 每食一啖 你都會心驚膽跳 都唔好怕 相信 久而久之 你會驚喜發現 原來好大舊佢都食到 原來食唔到佢真係咳返出來 原來佢會慢慢學識咀嚼 原來你嘅BB比你想像中勁 而我需要做嘅只係細細咁觀察 仲記得佢第一次GAG 心裡面叫自己放鬆 然後慢慢等待佢成功咳出大大粒嘅西蘭花 個一刻 我同佢都成長左 BLW 係你同小主之間嘅信任遊戲 我更意外地從中學識左 放手俾佢試試嘅第一步 行家們，緞練好你地嘅膽量吧！ 再怕都好 小主嘅人生 讓小主的雙手去創造吧！   P。S。： 有好多人話 一係BLW，一係餵，不可混淆 但係，正邪都難為定分界啦 所以都係跟自己方法試啦 唔使俾自己咁大壓力   picture credit: 9GAG