不得不承認生完bb之後，外型同儀容確實係同做女嗰陣差好遠，最主要係無時間，加上每日都貼身照顧小朋友，就連搽潤唇膏我都驚會癡落佢哋度。生完禧家姐之後都仲可以做下運動同facial，到左弟弟岀世之後，就連去廁所既時間都要趕，何來仲有時候保養。 一以前一路都有定時染髮，又會轉下髮型，而家我直情頭梳都少用，一起身就將頭髮束起最方便 一以前返工，會好用心劃眉，一筆一筆好似雕花咁雕上去，而家我索性戴副粗框大眼鏡岀街，遮埋條眉，順便遮埋啲斑 一面部護理療程少之又少，過往每個月最少兩次到美容院做深層清潔加保濕treatment, 而家連喺屋企貼塊面膜都要鬼鬼祟祟，怕會嘈醒小朋友，嚇親佢哋。覺得自己塊面真係鞋到似沙紙 一條唇成日甩皮，除左搽無色潤唇膏之外，完全無其他修護 一手甲以前每兩星期換一次款，襯返啲節日，而家會將指甲剪短，唔想整到小朋友，又唔洗擔心會花同㫁 一腋下脱毛療程我之前都有join, 但係好耐無去脱，生完肥曬，手臂粗左，已經無膽再著小背心，定期自己用剃毛刀清理，務求乾淨就可以，甚麼用剃刀會令毛孔粗大同閉塞，我已經放棄無理了 - 個身形更加不堪設想，肥腫難分，做左紮肚叫做修返啲個肚，但成個身依然係好圓 一由於餵母乳既關係，導致胸型走樣，要等斷奶之後做返多健胸運動 一臀部係其中一個重災區部位，好難減，索性著鬆身衫褲或深色褲去遮 唔知仲可以忍到呢個咁醜樣既自己幾耐呢? 我應該係決心未夠，終有一日我會頂唔順自己去大執一下   #全職媽媽走曬樣   #儀容要大執   #減肥大計 #發現電話裡面已經好耐無單人照       FB: 禧。熙。之生活點滴   https://m.facebook.com/heihei1619/   聯絡Email: heihei1619@gmail.com   歡迎各位like&follow禧。熙。之生活點滴