臨近學期尾，當加拿大的香蕉小朋友開始hea住返學等放暑假，香港的爸爸媽媽和小朋友們則有的在排隊等面試、有的就在溫習考試而攬住嘔血中⋯⋯⋯爸爸媽媽們不禁又湧起那個「魔鬼」念頭 - 大家咁辛苦做乜啊⋯⋯香港還有將來嗎⋯⋯不如移民算喇⋯⋯ 然後「天使」（？）念頭出來，去外國唔通去做洗碗收銀咩！我唔要面都要顧及另一半嘅感受吖⋯⋯⋯唔通真係一家四口飲水飽咩！唔得唔得！ 跟住「魔鬼」又出返嚟，唔係喎，唔通呢一世我哋四個人就塞係呢個蚊型嘅單位裡面嗎！第時小朋友成家立室，我哋真係冇本事幫佢哋俾首期，唔通要佢哋去排公營房屋咩！ 就係咁樣天使同魔鬼爭論左好耐好耐，爸爸媽媽仍然未決定前路如何。上論壇提問，有啲人就加火水支持，但亦有啲人潑冷水反對，只能感嘆一聲「不知點算好」～ 可能大家都有留意楊媽媽呢排可能靜咗少少，其實係好努力咁樣「密鑼緊鼓」中。希望可以同時用理性［又名：錢］同感性角度分析移民呢個問題～ 同時決定咗嘅話，各位應該要做咩準備，務求令大家「回加之路」風調雨順～  今年夏天，您，準備好一齊攝高枕頭諗清楚未呢？ 伸延閱讀 ： https://www.facebook.com/210930626177778/posts/394571891146983?s=905595276&sfns=xmwa ｛係我寫緊本文嘅同時，地球另一方有個護士姐姐寫咗好多我想寫嘅點⋯⋯⋯所以，我就唔重複了｝ ［好反映楊媽媽近況的一個貼紙包截圖 - 尢其左下］ #然後可能發現留下來彼此也在捱 #嚟緊嘅小中學排位可又會是大家考慮的原因之一 #請大家密切期待