黎到8個月喇~! 時間真係過得好快呀~ 呢個星期個肚又好似大左噃~ 而我亦發現到, BB係我返工既日子係特別活躍. 而我放工, 放假呢, 佢又會同我一樣懶懶閒, 好 hea~ 唔知佢係工作狂丫. 定係我工作時個人會不自覺地緊張, 個腦不停轉.. 令佢都 feel 到好亢奮既狀態 所以有一次佢真係當我做做下野, 一腳伸埋黎. 係痛到我彈開! 唔知佢做緊咩.. 我就望住佢問: 你搞咩呀? 佢就唔郁喇.....   早2日, 我地返CT食飯. 走既時候我突然覺得.. 唉...坐月既時候每日就要睇住大少走, 自己同BB就留低, 我一定好唔捨得佢架.... 同大少講, 佢話不如返TB坐月. 但其實一切太遲了. 因為當答應左係CT坐月, 爸B媽媽都已經開始安排一切. 包括大執過我間房, 點放BB床, BB用品..etc... 當初我本身都係TB坐, 但媽咪就要日日騰過黎煮飯. 而爸B亦要過黎食. 如果唔係媽咪就要煮2次. 咁無理由丫.... 所以當日傾過係唔係返CT坐好D呢? 佢地又可以做佢地既野, 又可以照顧我同BB. 話曬TB 真係好細..廚房又唔係媽咪用開...做野都唔方便.  當時大少好爽快話: 係囉. 返CT坐月啦. 我日日都會放工黎架嘛. 再唔係咪係度瞓.. 到宜家日子漸近. 我亦諗左好多方法大少點樣可以係CT瞓. 但始終我都明白佢係唔會方便.. 唯有 weekend 先留低, 平時就食完飯陪完我同BB, 就返TB梳洗瞓覺, 第二日返工啦.. 所以..又回到起點. 我會唔捨得佢架   尋日大少臨瞓前問我幾多週, 我答32喇~ 佢好 surprise: 嘩~ 8個月喇噃. 仲有2個月就要換屎片喇 我:   (呢條友咩事?!)