其實我細個好少食自助餐，因為我好揀飲擇食，唔係咩都食，又食得少，所以自助餐呢嘅咁貴嘅嘢就唔係好啱我！但芊嶠同劻霖都好鐘意食嘢，所以我地都會帶佢地去食自助餐，今次仲搵到 8 度海逸酒店，佢地新推出嘅「夏日海鮮狂熱自助晚 餐」。 我地係喺酒店大堂 8 度餐廳入面食自助餐！ 一嚟就梗係食冷盤先啦！有翡翠螺、蟹腳、龍蝦添呀！ 仲有青口同蝦，會唔會咁就食得飽呢？ 仲有必食即開生蠔，有專人企係到開，清洗後再過一過檸檬水，即刻上碟！ 好肥美嘅即開生蠔呀！ 另外，仲有魚生刺身，好多款式選擇。 我都係第一次見有咁多款魚生刺身㗎！   熟嘅都有㗎！有蛋同蟹柳，啱哂芊嶠同劻霖，佢地鐘意食餸多過食飯㗎！   當然仲有好多熟食壽司啦！上面鋪滿芝士，好邪惡呀！   仲有我嘅至愛：鵝肝多士，即煎鵝肝，一批批整，每次上碟，都會被秒殺。   仲有特級燒牛肉，陣味勁香，都會被味道吸引咗過去。   熱盤都有好多，有老公至愛：羊扒，係香草烤羊扒，好多汁。   仲有白酒煮藍青口，我真係食唔停口。   女人至愛：花膠北菇螺頭燉雞，好足料，味道真係好好！   有中式點心都真係好少有，劻霖都好鐘意食。   炒飯一定有，呢到就有菠蘿海鮮炒飯，芊嶠就好鐘意食菠蘿，劻霖就鐘意食蝦，呢個飯好似專為佢地而設。   仲有好幾款生果，啱哂一家四口唔同喜好嘅我地。   甜品真係，多到一個點！有唔同嘅細件甜點。   仲有完個蛋糕切件，又有透明啫喱包住鮮果，好特別。   班蘭蛋糕平時街都少見，呢到都竟然會食到。   仲有榴槤愛好者必食：榴槤班戟，老公話好味道，我就唔會榴槤愛好者，所以試唔到。   仲有最受歡迎嘅 Häagen-Dazs 雪糕及窩夫區，甜點愛好者又點能夠錯過？ *特別優惠：於酒店 eShop 預訂享高達 8 折優惠！ ++++++++++++++++++++++ 8 度海逸酒店 地址：香港九龍土瓜灣九龍城道 199 號