整便當唔係淨係返學既福利，因為佢地實在太喜歡，換過隻碟又好，整下卡通又好，兩姊弟都會稱此為兒童餐，將佢地平時既飯餸稍為花啲心思，會食得快之餘，仲會肯食平時唔食既食材。   以三色椒為例，其實好多小朋友都唔鐘意食，因為唔係每個人都接受到個陣草青味，但佢既營養價值真係好高，我間中都會整比小朋友食，例如切粒炒三文魚、將佢釀魚肉等，作為媽媽，真係要努力去建立一個飲食均衡既環境，令小朋友可以吸收唔同既營養，健康成長呢！